लोकसभा निवडणुकीचे धक्कादायक निकाल समोर आले आहेत. अनेक जागांवर दिग्गजांची प्रतिष्ठा पणाला लागली होती. परंतु या प्रतिष्ठा पणाला लागल्या आहेत. पारंपरिक मतदारसंघ नवख्या उमेदवाराच्या हाती गेल्या आहेत, तर काही ठिकाणी अत्यंत मोठ्या फरकाने लाजिरवाणा पराभव झाला आहे.
राज्यात दक्षिण अहमदनगर लोकसभा मतदारसंघ ही जागाही त्यातीलच एक होती. या मतदारसंघाच्या निकालाकडे अवघ्या राज्याचं लक्ष होतं. सुजय विखे या मतदारसंघातून उभे होते, तर शरद पवार गटाने निलेश लंके यांना संधी दिली होती.
निलेश लंके यांनी या संधीचं सोनं केलं आहे. परंतु, त्यांच्या अपघताचे कट रचले जात होते, असा मोठा खुलासा निलेश लंके यांच्या आईने केला आहे. त्या टीव्ही ९ मराठीशी बोलत होत्या.
“निवडणुका सुरू झाल्यापासून मला टेन्शन वाटत होतं. काहीजण म्हणाले मतदानाच्या दिवशी काहीही होऊ शकतं. समोर एवढा मोठा पैलवान आहे तर निवडणूक जड जाईल.
पण शरद पवारांनी खूप साथ दिली. माझा पोरगा शरद पवारांना फार मानतो. त्यामुळे पवारांची त्याला सेवा करायची आहे. कारण, ते सुखात-दुःखात नेहमी असतात”, असंं त्या म्हणाल्या.
