शिर्डी : शिर्डी शहरातील लक्ष्मी नगर परिसरातील विविध विकासकामांचे उत्साहात उद्घाटन करण्यात आले. विशेष म्हणजे अनेक वर्षांपासून नागरिकांना त्रासदायक ठरत असलेल्या ड्रेनेज समस्येवर अखेर कायमस्वरूपी उपाययोजना सुरू करण्यात आल्याने परिसरातील नागरिकांनी समाधान व्यक्त केले. “पाऊस सुरू होण्याच्या आत पावसाच्या पाण्याची योग्य व्यवस्था पूर्ण करण्यात येणार,” असा विश्वास यावेळी मान्यवरांनी व्यक्त केला.
लक्ष्मी नगर परिसरात पावसाळ्यात साचणारे पाणी, तुंबणाऱ्या गटारी आणि नागरिकांना होणारा त्रास लक्षात घेता ड्रेनेज कामाला विशेष प्राधान्य देण्यात आले आहे. या कामामुळे परिसरातील स्वच्छता, आरोग्य आणि नागरिकांच्या दैनंदिन जीवनात मोठा दिलासा मिळणार असल्याचे मत उपस्थित नागरिकांनी व्यक्त केले.
या विकासकामांच्या शुभारंभप्रसंगी परिसरातील नागरिक मोठ्या संख्येने उपस्थित होते. यामध्ये सुनिता मंगेश त्रिभुवन, राजू जाधव, राजेंद्र त्रिभुवन, पांडुरंग मोरे, निरंजन बिडवे, मनोहर हिवाळे, सुनील नरोडे, निलेश बिडवे, सिंधूबाई मगरे, लताबाई वीर, मंगलबाई आरणे, हिराबाई माळी, सोनाली अहिरे, आशाबाई त्रिभुवन, संगीताबाई हिवाळे, दीपाली सुपेकर आणि साईनाथ चिंतामणी आदी मान्यवर उपस्थित होते.
तसेच शिर्डी नगर परिषदेचे माजी उपनगराध्यक्ष मंगेश त्रिभुवन तसेच नगरसेविका सौ. त्रिभुवन ताई यांचीही प्रमुख उपस्थिती होती. विकासकामांमुळे लक्ष्मी नगर परिसराचा चेहरामोहरा बदलणार असून नागरिकांनी समाधान व्यक्त करत संबंधितांचे आभार मानले.
