टाटा मोटर्सचा श्री साईबाबा संस्थानसाठी मोठा दान!
२५.६९ लाख रुपयांची टाटा सिएरा वाहन संस्थानकडे सुपूर्द
शिर्डी : टाटा मोटर्स, पुणे रिजन येथील सर्व डिलर्स यांच्यावतीने आज २५,६९,१९३/- रुपये किमतीची टाटा सिएरा ही चारचाकी गाडी श्री साईबाबा संस्थानसाठी दान स्वरूपात प्राप्त झाली.
या वाहनाची विधीवत पूजा संस्थानाचे मुख्य कार्यकारी अधिकारी गोरक्ष गाडीलकर (भा.प्र.से.) व टाटा मोटर्सच्या डिलर्स यांच्या हस्ते करण्यात आली. पूजा संपन्न झाल्यानंतर वाहनाची अधिकृत चावी संस्थानकडे सुपूर्द करण्यात आली.
यानंतर संस्थानच्या वतीने मुख्य कार्यकारी अधिकारी गाडीलकर यांनी टाटा मोटर्स, पुणे रिजनच्या सर्व डिलर्स यांचा सत्कार करून त्यांच्या उदार योगदानाबद्दल कृतज्ञता व्यक्त केली.
साईभक्तांसाठी आणि संस्थानासाठी उपयुक्त ठरणाऱ्या या वाहनाच्या माध्यमातून सेवा, व्यवस्थापन व भक्तांचे सोयीसुविधा आणखी सुलभ होतील, अशी अपेक्षा व्यक्त केली जात आहे.
