सोमनाथ घार्गे साहेब, पोलीस अधीक्षक, अहिल्यानगर यांनी पोनि/श्री. किरणकुमार कबाडी स्थागुशा अहिल्यानगर यांना जिल्ह्यातील अवैध अग्नीशस्त्रे व हत्यारे बाळगणा-या इसमांविरुध्द जास्तीत जास्त कारवाई करणे बाबत आदेश दिले होते.
नमुद आदेशान्वये स्थागुशा पथक जिल्ह्यातील अवैध अग्नीशस्त्रे व हत्यारे या बाबत माहिती घेताना दिनांक 04/09/2025 रोजी पेनि/श्री. किरणकुमार कबाडी यांना गुप्तबातमीदारा मार्फत माहिती मिळाली की,
इसम नामे संदिप बंडु मरकड रा. बटेवाडी, ता.जामखेड हा त्याचे कब्जामध्ये विनापरवाना गावठी कट्टा व काडतुस बाळगुन जिल्हा परिषद शाळेच्या पाठीमागे बटेवाडी, ता.जामखेड येथे उभा आहे, आता गेल्यास मिळुन येईल. अशी खात्रीशिर बातमी मिळाल्याने, पोनि/श्री. किरणकुमार कबाडी यांनी स्थानिक गुन्हे शाखेचे पोसई/अनंत सालगुडे, सफौ/रमेश गांगर्डे, पोहेकॉ/हदय घोडके, पोना/शामसुंदर जाधव अशांचे पथक नेमुन पंचाना सोबत घेवुन,
बातमीतील संशयीताची माहिती घेवुन तो मिळुन आल्यास त्यास ताब्यात घेवुन खात्री करुन कारवाई करणे बाबत आवश्यक सुचना देवुन पथकास रवाना केले.
पोलीस पथकाने दिनांक 04/09/2025 रोजी जिल्हा परिषद शाळेच्या पाठीमागे बटेवाडी, ता.जामखेड येथे जावुन खात्री करता बातमीतील वर्णनाप्रमाणे एक संशयीत इसम मिळुन आला.
त्यास शिताफीने ताब्यात घेतले. ताब्यात घेतलेल्या संशयीतास पोलीस पथकाची ओळख सांगुन त्यास त्याचे नाव गांव विचारले असता त्याने त्याचे नाव संदिप बंडु मारकड वय-21 वर्षे रा.बटेवाडी, ता.जामखेड असे असल्याचे सांगितले. त्यास दोन पंचासमक्ष गावठी कट्टा व जिवंत काडतुस बाबत विचारपुस करता त्यांनी लपवुन ठेवलेले 35,000/- रुपये किंमतीचा एक देशी बनावटीचा कट्टा
व 1,000/- रुपये किंमतीचे 1 जिवंत काडतुस असा एकुण 36,000/- रुपये किंमतीचा मुद्देमाल मिळुन आला आहे.
ताब्यातील आरोपी याचेविरुध्द पोकॉ/2574 मनोज मोहन साखरे नेम. स्थानिक गुन्हे शाखा, अहिल्यानगर यांचे फिर्यादीवरुन जामखेड पोलीस स्टेशन गु.र.नं. 497/2025 आर्म ऍ़क्ट 3/25 प्रमाणे गुन्हा दाखल करण्यात आला आहे.
आरोपी नामे संदिप बंडु मारकड वय-21 वर्षे रा.बटेवाडी, ता.जामखेड आणि एक गावठी कट्टा व एक काडतुस असा एकुण 36,000/- रुपये किमतीचा मुद्देमाल जामखेड पोलीस स्टेशनचे ताब्यात देण्यात आला असुन, पुढील तपास जामखेड पोलीस स्टेशन हे करीत आहे.
सदरची कारवाई श्री. सोमनाथ घार्गे पोलीस अधीक्षक अहिल्यानगर, यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.
