सामाजिक कार्यकर्ते सुरेश आरणे यांना साईभक्तांची पैश्यांची पर्स सापडली त्यांनी प्रामाणिकपणे ती पर्स संस्थांनला जमा केली

दिनांक 02/09/2024 रोजी साईबाबा मंदिर गेट नं 1 येथे शिर्डी चे मा. नगरसेवक श्री. सुरेश काळू आरने यांना एक लेडीज पर्स मिळाली. त्या पर्स मध्ये काही कागदपत्र, कार्ड्स आणि 5446/- रु रोख रक्कम होती. त्यांनी ती पर्स प्रामाणिकपणे तात्काळ संरक्षण ऑफिस ला जमा केली. सदर पर्स हि साईभक्त श्रीमती लता गौड, रा. हैदराबाद यांची असल्याचे समजले.

त्यांना संपर्क करून, ओळख पटवून पैसे आणि पर्स परत केली. त्यावेळी त्यांनी मा. नगरसेवक श्री. सुरेश आरने, तसेच शिर्डी ग्रामस्थ यांचे आभार मानले. गावकरी देखील साईभक्तांची किती काळजी घेतात हे बघून साईभक्त आनंद व्यक्त करतात.

श्री आरने यांची सचोटीबद्दल श्री साईबाबा संस्थान चे मा. मुख्य कार्यकारी अधिकारी श्री. गोरक्ष गाडीलकर, उपमुख्य कार्यकारी अधिकारी, श्री तुकाराम हुलवले यांनी अभिनंदन केले. त्यांचा यथोचित सत्कार केला.