शिर्डी शहरात गेल्या दोन महिन्यांपासून भाविकांची संख्या रोडावली असून व्यावसायिक मेटाकुटीला आले असताना काही गुंड प्रवृत्तीच्या तरुणांनी व्यावसायिकांना लक्ष्य करत कधी चाकू तर कधी कोयत्याने हल्ला करत आपली दहशत निर्माण केली आहे
अश्याच एका प्रकरणात राहता येथील गणेश रामदास आरणे या तरुणाने शिर्डी पोलिसात फिर्याद दिली असून दिनांक 20 मे रोजी दुपारी पावणे चारच्या सुमारास फिर्यादी गणेश हा कामानिमित्त कोते गल्ली येथून पायी चालला असता फिर्यादी गणेश यास पाठीमागून मोटरसायकलचा धक्का लागल्याने नीट चालता येत नाही.
का असे म्हटल्याचा राग येऊन आरोपीने फिर्यादीस मला तू ओळखतो का असे म्हणत शिवीगाळ करत लाथाबुक्क्यांनी मारहाण केली व रस्त्याच्या कडेला पडलेल्या लाकडी काठीने फिर्यादीच्या तोंडावर व डोक्यात मारहाण करून डोक्याला जखम केली.
या मारहाणीत फिर्यादी गणेश यांच्या ओठास व दाताला जखम झाली असून आरोपीने फिर्यादी गणेश यास परत आमच्या नादी लागला तर जीवे मारून टाकण्याची धमकी दिल्याने गणेश रामदास आरणे यांनी नांदुरखी येथील अमोल त्रिभुवन याच्या विरोधात शिर्डी पोलिस स्टेशनला जात
गुन्हा रजिस्टर नंबर 321/2024 नुसार भादवी कलम 324,323,504,506 प्रमाणे गुन्हा दाखल केला असून पोलिस निरीक्षक रामकृष्ण कुंभार यांच्या मार्गदर्शनाखाली पोलिस हेड कॉन्स्टेबल गायकवाड अधिक तपास करीत आहेत
