सकल मराठा समाज व इतर समाज बांधवांच्या वतीने श्रीरामपुरात हजारोंच्या संख्येने काढण्यात आला कॅण्डल मार्च!
श्रीरामपूर( प्रतिनिधी) मराठा आरक्षण संघर्ष योद्धा मनोज जरांगे पाटलांनी मराठा आरक्षणाकरिता सुरू केलेल्या आमरण उपोषण, पाठिंबा देण्या करिता. श्रीरामपूर सकाल मराठा समाजाच्या वतीने हजारो मराठा समाज बांधवांनी, सहकुटुंब कँडल मार्च काढला. रेल्वे स्थानक येथील हनुमान मंदिर या ठिकाणाहून, सायंकाळी कँडल मार्चची सुरवात करण्यात आली. यावेळी शहरातील वेगवेगळ्या ठिकाणी,विविध समाजाच्या वतीने मशाल पूजन करण्यात आले.
या आंदोलनाचे विशेष म्हणजे, लहान मुलींच्या हस्ते छत्रपती शिवाजी महाराजांची आरती करून. अतिशय शांततेत निघालेल्या या कँडल मार्चमध्ये हजारो मराठा समाज बांधवासह, दलित ,मुस्लिम,जैन, या सह इतर समाजातील नागरिकांनी सहभाग नोंदवून. मराठा आरक्षणास जाहीर पाठिंबा दर्शविला, हजारोंच्या संख्येने निघालेल्या कँडल मार्चची सांगता. महात्मा गांधी चौकात मराठा युवतीच्या भाषणाने झाली.
यावेळी आंदोलनाची पुढची दिशा ठरवत. उद्या २ नोव्हेंबर २०२३ पासून महात्मा गांधी चौकात, सकल मराठा समाजाच्या वतीने आमरण उपोषण सुरू करणार असल्याची माहिती, श्रीरामपूर सकाल मराठा समाजाच्या वतीने देण्यात आला आहे.
