अनेक वर्षाच्या प्रतिक्षेनंतर राहता तालुक्यातील केलवड येथे निळवंडे कालव्याचे पाणी पोहचले असून शेतकऱ्यांनी, ग्रामस्थांनी मोठा आनंद व्यक्त केला . सुमारे 53 वर्षानंतर निळवंडे कालव्यातून राहता तालुक्यातील केलवड येथे पाणी आल्यानंतर येथे खासदार सदाशिव लोखंडे यांच्या उपस्थितीत पूजन करून मोठा जल्लोष साजरा करण्यात आला. त्यानंतर खासदार सदाशिव लोखंडे यांची भव्य अशी संवाद्य गावातून मिरवणूक काढण्यात आली. या मिरवणुकीत स्वतः खासदार सदाशिव लोखंडे यांनी शेतकरी ग्रामस्थांबरोबर नृत्य करत आनंद साजरा केला. गेल्या अनेक वर्षापासून निळवंडे कालव्यात कधी पाणी येणार याची प्रतीक्षा होती ती आज पूर्णत्वास आली. त्यामुळे संपूर्ण केलवड तसेच संपूर्ण परिसर आज मोठा आनंदी, खुशी दिसून येत होता. आजच दिवाळी, दसरा सण शेतकऱ्यांनी ग्रामस्थांनी साजरा केला. हा संपूर्ण परिसर निळवंडे कालव्यामुळे बागायती होणार आहे. सधन होणार आहे. अनेकांनी निळवंडे धरणासाठी खासदार लोखंडे यांचे मोठे योगदान असून त्यांनाही धन्यवाद दिले.
