श्री साईबाबांप्रती अखंड श्रद्धेचा सुवर्ण नजराणा”
शिर्डी : जगभरातील कोट्यवधी साईभक्तांची श्रद्धास्थान असलेल्या श्री साईबाबा संस्थान ट्रस्ट येथे दररोज भक्तांकडून विविध प्रकारच्या देणग्या अर्पण केल्या जातात. साईबाबांवरील अपार श्रद्धेतून ओडीसा राज्यातील भुवनेश्वर येथील साईभक्त श्रीमती संजुक्ता स्वाईन यांनी श्री साईचरणी तब्बल ७ लाख ५६ हजार ३३८ रुपये किमतीचे ६२ ग्रॅम वजनाचे आकर्षक नक्षीकाम केलेले सोन्याचे ब्रोच अर्पण केले.
“सोन्याच्या ब्रोचवर आकर्षक नक्षीकाम; भक्तीभावाचा अनोखा आविष्कार”
साईभक्त श्रीमती संजुक्ता स्वाईन यांनी अर्पण केलेल्या या सोन्याच्या ब्रोचवर अत्यंत सुंदर आणि आकर्षक नक्षीकाम करण्यात आले असून, त्यामधून साईबाबांप्रती असलेली निस्सीम भक्ती आणि श्रद्धा व्यक्त होत आहे. साईभक्तांकडून अशा प्रकारे होणाऱ्या देणग्यांमुळे साईसमाधीचे वैभव अधिक वृद्धिंगत होत असल्याची भावना व्यक्त केली जात आहे.संस्थानच्या वतीने साईभक्तांचा सत्कार”
या देणगीप्रसंगी भिमराज दराडे यांनी संस्थानच्या वतीने साईभक्त श्रीमती संजुक्ता स्वाईन यांचा सत्कार करून कृतज्ञता व्यक्त केली. यावेळी संस्थानच्या अधिकाऱ्यांनी साईभक्तांच्या श्रद्धेला मानाचा मुजरा केला.
“देश-विदेशातील भक्तांकडून साईचरणी सेवाभाव”
शिर्डीतील साईसमाधी मंदिर हे देश-विदेशातील लाखो भाविकांचे श्रद्धास्थान बनले असून, भक्त विविध स्वरूपात देणग्या अर्पण करत असतात. साईबाबांवरील श्रद्धा, सेवाभाव आणि भक्तीचा हा सुवर्ण नजराणा पुन्हा एकदा साईभक्तांच्या अतूट विश्वासाची प्रचिती देणारा ठरला आहे.
