🚔 कोपरगावात पोलीस कर्मचाऱ्यांसाठी ६४ निवासस्थानांचे लोकार्पण
महाराष्ट्र राज्य पोलीस गृह निर्माण व कल्याण महामंडळ मर्यादित, मुंबई यांच्या अंतर्गत व जिल्हा पोलीस अधीक्षक कार्यालय, अहिल्यानगर यांच्या समन्वयातून कोपरगाव तालुका पोलीस ठाणे येथे उभारण्यात आलेल्या ६४ पोलीस कर्मचारी निवासस्थानांचा उद्घाटन समारंभ मंगळवार दि. ३ मार्च २०२६ रोजी सायं. ४.३० वाजता पार पडणार आहे.
🏢 टाईप-३ व टाईप-२ निवासस्थानांची सुविधा
कोपरगाव तालुका पोलीस ठाणे परिसरात बांधण्यात आलेल्या या प्रकल्पामध्ये
पोलीस अधिकाऱ्यांसाठी टाईप-३ चे ८ निवासस्थान
पोलीस अंमलदारांसाठी टाईप-२ चे ५६ निवासस्थान
अशा एकूण ६४ सुसज्ज घरांचा समावेश आहे. या निवासस्थानांमुळे पोलीस कर्मचाऱ्यांना कर्तव्य पार पाडताना अधिक स्थैर्य व सुरक्षितता लाभणार आहे.
🎀 मान्यवरांच्या हस्ते लोकार्पण
या इमारतीचे उद्घाटन मा. ना. डॉ. राधाकृष्ण विखे पाटील (संपदा – गोदावरी व कृष्णा खोरे विकास महामंडळ) यांच्या हस्ते होणार आहे.
कार्यक्रमास मा. सुजय विखे पाटील (लोकसभा सदस्य), मा. सदा लहामटे (आमदार), मा. आनंद भंडारी (भा.प्र.से.), मा. राजारामपुरी गोसावी तसेच मा. सोमनाथ घार्गे (भा.पो.से.) अप्पर पोलीस अधीक्षक सोमनाथ वाघचौरे पोलीस उपविभागीय अधिकारी अमोल भारती यांची प्रमुख उपस्थिती लाभणार आहे.
👮♂️ पोलीस दलाच्या कल्याणासाठी महत्त्वाचा टप्पा
पोलीस कर्मचारी हे २४ तास नागरिकांच्या सुरक्षेसाठी कार्यरत असतात. त्यांच्या निवासाची सोय ही केवळ सुविधा नसून त्यांच्या कुटुंबाच्या सुरक्षिततेशी निगडीत बाब आहे. या प्रकल्पामुळे पोलीस दलाचे मनोबल वाढून सेवाकार्यात अधिक कार्यक्षमता येईल, असा विश्वास व्यक्त होत आहे.
कोपरगाव तालुक्यासाठी हा प्रकल्प एक महत्त्वाचा टप्पा ठरत असून पोलीस दलाच्या कल्याणाच्या दिशेने उचललेले हे सकारात्मक पाऊल मानले जात आहे. 🚔
