शिर्डी प्रतिनिधी / शिर्डी शहरात मध्यवर्ती ठिकाणी असलेल्या शिर्डी विविध कार्यकारी सेवा सहकारी सोसायटी लिमिटेड शिर्डी ही ७५ वर्षे जुनी सोसायटी असून सोसायटीच्या माध्यमातून एक हजार मॅट्रिक टन क्षमतेचे अन्नसुरक्षा भांडारचे काम प्रगतीपथावर असल्याची माहिती सोसायटीचे चेअरमन प्रमिला विजय शेळके व सचिव संदीप बढे यांनी दिली
चेअरमन प्रमिला शेळके म्हणाल्या की पालकमंत्री नामदार राधाकृष्ण विखे पाटील व डॉक्टर सुजय विखे पाटील व सर्व संचालक मंडळ तसेच जिल्हा सहकारी बँकेच्या एक विचाराने जवळपास १ कोटी १६ लाख रुपये खर्च करून अन्नसुरक्षा भांडारचे काम हाती घेण्यात आले असून ते काम प्रगती पथावर आहे
शासकीय हमीभाव केंद्र खते वितरण साठवणूक व शेतकऱ्यांचा माल खरेदी करून त्यावर प्रक्रिया करणे गोदाम पूर्ण झाल्यानंतर सुलभ होणार आहे त्याबरोबर शेतकरी अडचणीत असताना सोसायटीच्या कर्जदार सभासदांनी ३० जून आहेत 100% बँक पातळीवर वसुलीचे उद्दिष्ट पूर्ण केले आहे त्याबद्दल देखील समाधान व्यक्त केले जात असून सोसायटीचे कार्यक्षेत्र शिर्डी हे आहे शेतकऱ्यांना खते बी बियाणे रेशन आदी सेवा बरोबर शेतकऱ्यांना शासकीय योजनांचा लाभ दिला जातो संचालकांचा एक विचार आर्थिक काटकसर पारदर्शक कारभार यामुळे सोसायटी प्रगतीपथावर असून शहरात मध्यवर्ती ठिकाणी स्वमालकीची तीन मजली इमारत गोदाम व तसेच २१ गुंठे जागा देखील आहे सोसायटीच्या प्रगतीत संचालक विजय गोंदकर, बाळासाहेब काटकर, नितीन कोते , विलास कोते,, विकास कोते, तानाजी गोंदकर, किरण कोते, बाळासाहेब जगताप, विजय गायकवाड ,प्रमोद गोंदकर ,सुनील कोते ,तज्ञ संचालक आप्पासाहेब कोते, रवींद्र कोते, आदींचे सहकार्य लाभत असल्याचे सचिव संदीप बढे यांनी सांगितले
