शिर्डी (प्रतिनिधी) शिवसेना ठाकरे गटातून शिंदे गटाकडे गेलेल्या शिवसेनेच्या विभागसंघटक सुजाता शिंगाडे यांची आज घरवापसी झाली आहे. त्यांनी पक्षप्रमुख उद्धव ठाकरे यांच्या उपस्थितीत ठाकरे गटात पुन्हा प्रवेश केला आहे. त्यांचे परत शिवसेना ठाकरे गटात आगमन झाल्यामुळे त्यांचे जोरदार स्वागत होत आहे. ठाकरे गटात आल्यानंतर त्यांनी शिंदे गटात जाऊन मोठी चूक असे सांगत पुढे त्या म्हणाले की,
मी स्वत:हून काही कारणास्तव म्हणजे माझ्या रागावर माझे नियंत्रण राहिले नाही. मी शिंदे गटात गेले मात्र तेथे ताळमेळ नाही. मी वयाच्या 10 वर्षापासून मी ठाकरेशिवसेनेचे काम करत आहे. गटप्रमुख ते महिला विभागसंघटक या पदापर्यंत मी पोहचले. जसे जसे काम केले तसे पुढे गेले. मला मातोश्रीचा पाठिंबा होता म्हणूनच मी एवढे वर्ष काम करु शकले. जवळजवळ 35 वर्ष मी संघटनेचे काम केले आहे. असे सांगत त्यापुढे म्हणाले की,शिंदे गट जो आहे. तो फसवत आहे.
लोक कोणत्या आमिषाला पडून तिथे जातात मला काही कळत नाही. मला चार महिन्यातच अनुभव आला की इथे राहणे शक्यच नाही. मला काही रात्र झोप लागत नव्हती. मी कधी वहिनी आणि साहेबांशी बोलते असे वाटत होते. त्या पुढे म्हणाल्या, आपण फार मोठी चूक केलेली आहे. हा सर्व देखावा आहे. आणि जे नगरसेवक ते घेत आहेत.
पैसे देऊन 2 कोटी, 3 कोटी असे लोक बोलत आहेत. पण त्या लोकांनाही नक्कीच तिथे पश्चाताप होतोय. काही पदाधिकारी तर माझ्याशी याबाबत बोलले होते.
तिथे कोणाचाच कोणाशीच ताळमेळ नाही. तिथे अंदाधुंद कारभार चालू आहे. ज्यावेळेस ते मुख्यमंत्री झाले त्यावेळेस त्यांनी पैसे देऊन काही लोकांना खरेदी केले. नक्कीच तिथल्या लोकांना पश्चाताप होतोय.
शिंदेचे तिथे लक्ष नाही. मधले जे एजंट आहेत त्यांनीच फसवलं. मलाही फसवलं असे मी जाहीर इथे सांगते. या सर्व गोष्टींना वैतागून मी पुन्हा माझ्या माहेरी संजय ठाकरे शिवसेनेत आली याचा खराच आनंद वाटतो. लोकांनी तिथे जाऊ नये अशी मी विनंती करते. असे सुजाता शिंगाडे यांनी म्हटले आहे.
