शिर्डी येथील अप्पर जिल्हाधिकारी बाळासाहेब कोळेकर* साहेबांचा वाढदिवस आज अत्यंत उत्साहपूर्ण आणि आनंददायी वातावरणात साजरा करण्यात आला. आपल्या कर्तव्यदक्ष, संवेदनशील आणि लोकाभिमुख कार्यशैलीमुळे जनसामान्यांच्या मनात विशेष स्थान निर्माण करणाऱ्या बाळासाहेब कोळेकर* साहेबांवर शुभेच्छांचा अक्षरशः वर्षाव झाला.
प्रशासकीय जबाबदाऱ्या पार पाडताना सर्वसामान्य नागरिकांना न्याय देण्याची भूमिका, विकासकामांप्रती असलेली बांधिलकी आणि जनतेच्या प्रश्नांबाबत दाखवलेली तत्परता यामुळे कोलकर साहेबांनी एक आदर्श अधिकारी म्हणून स्वतःची वेगळी ओळख निर्माण केली आहे. त्यामुळेच त्यांच्या वाढदिवसानिमित्त अनेकांनी त्यांना भेटून शुभेच्छा दिल्या.
यावेळी शिर्डी शहरातील धनगर समाजाचे नेते, शिवसेनेचे उपशहर प्रमुख तथा साई सेवक जयराम कांदळकर यांच्या समवेत किरण कांदळकर, रामनाथ कांदळकर, संतोष चिंधे आणि संतोष वर्पे यांनी उपस्थित राहून बाळासाहेब कोळेकर* साहेबांना पुष्पगुच्छ अर्पण करत त्यांचा सन्मान केला. यावेळी बाळासाहेब कोळेकर* साहेबांच्या कार्याबद्दल गौरवोद्गार काढण्यात आले.
उपस्थितांनी भावना व्यक्त करताना सांगितले की, “बाळासाहेब कोळेकर*साहेब हे केवळ अधिकारी नसून जनतेच्या अडचणी समजून घेणारे, त्यावर संवेदनशीलतेने मार्ग काढणारे आणि प्रशासनाला मानवी चेहरा देणारे व्यक्तिमत्त्व आहे. त्यांच्या कार्यामुळे अनेकांना न्याय आणि दिलासा मिळाला आहे.”
वाढदिवसानिमित्त बाळासाहेब कोळेकर* साहेबांना उत्तम आरोग्य, दीर्घायुष्य आणि भविष्यात आणखी मोठ्या जबाबदाऱ्या यशस्वीपणे पार पाडण्यासाठी शुभेच्छा देण्यात आल्या. शिर्डीकरांच्या मनात विशेष आदराचे स्थान असलेल्या या लोकप्रिय अधिकाऱ्याच्या वाढदिवसानिमित्त सर्व स्तरांतून शुभेच्छांचा वर्षाव होताना दिसून आला.
