शिर्डी प्रतिनिधी / शिर्डी शहरात व उपनगरात देखील मोठ्या प्रमाणावर सीसीटीव्ही शिर्डीत उभे केले जात असताना या सीसीटीव्हीला देखील धूमस्टाईल चोरटे जुमानत नसल्याचे पुढे आले असून एका केलेल्या गुन्हात दोन तीन लाखाचे सोने विना कष्ट हाती लागत असल्याने हे प्रकार शिर्डी शहरात बंद होत नसल्याचा प्रत्यय येत आहे
२५ जून रोजी शिर्डी शहरातील हॉटेल साई संगम जवळील चौकात आंध्र प्रदेश राज्यातील साईभक्त बाला अक्कम देवी वय ४५ हे रात्री साईदर्शनासाठी कुटुंबातील लोकांना बरोबर घेऊन जात असताना काळ्या रंगाच्या पल्सर वरून आलेल्या दोघांपैकी एकाने हेल्मेट घातलेले होते तर पाठीमागील बसलेल्या तरुणांनी माझ्या मानेला हिसका देऊ माझ्या गळ्यातील १६ ग्रॅम वजनाचे मनी मंगळसूत्र किंमत ६४ हजार व ६८ग्रॅम वजनांचे गंठण किंमत दोन लाख ७२ हजार असा तीन लाख ३६ हजार रुपयांचा सोन्याचा ऐवज धुमस्टाईलने चोरुन ओरबाडून नेल्याची फिर्याद
बाला अकम्मा देवी वय ४५ रा राजमंडी जिल्हा तुर्क आंध्रप्रदेश या साईभक्त महिलेने शिर्डी पोलीसात दिल्यामुळे शिर्डी पोलीसांनी भादवी ३४,३९४,अन्वये गुन्हा दाखल केला असून आधिक तपास शिर्डी पोलीस स्टेशनचे पोलीस निरीक्षक रामकृष्ण कुंभार हे करीत आहे काही दिवसांपूर्वी दोन चोरटे शिर्डी पोलीसांनी जिवावर उदार होऊन पकडले होते तोच प्रकार पुन्हा घडलेल्या घटनेमुळे सीसीटीव्ही असताना देखील घटना घडत असल्याने या गुन्हातील आरोपीवर कठोर गंभीर कारवाई केली तरच हे प्रकार थांबतील अशी ग्रामस्थांची भावना आहे
