घरासमोरच उघडपणे सुरू होता लाखोंच्या उलाढालीचा जुगार अड्डा; स्थानिक गुन्हे शाखेच्या धाडीत रोख रक्कम, मोबाईल, पत्ते व वाहने जप्त
राहाता | प्रतिनिधी
राहाता तालुक्यातील अस्तगाव येथे अनेक दिवसांपासून उघडपणे सुरू असलेल्या ‘तिरट’ जुगार अड्ड्यावर अखेर स्थानिक गुन्हे शाखेने घणाघाती कारवाई करत १३ जुगाऱ्यांना रंगेहात पकडले. घरासमोरच पत्र्याच्या शेडमध्ये हारजीतीचा जुगार सुरू असल्याची खात्रीशीर माहिती मिळताच पोलिसांनी थेट धाड टाकून संपूर्ण अड्डाच उद्ध्वस्त केला.
पोलीस निरीक्षक संतोष मुटकुळे यांच्या मार्गदर्शनाखाली पोलीस उपनिरीक्षक महादेव गुट्टे व त्यांच्या पथकाने ही कारवाई केली. गुप्त माहितीच्या आधारे पंचांसह घटनास्थळी पोहोचलेल्या पोलिसांनी दोन ठिकाणी गोलाकार बसून पैशांवर ‘तिरट’ जुगार खेळणाऱ्या १३ जणांना रंगेहात पकडले.
चौकशीदरम्यान भागवत किसन त्रिभुवन यानेच हा जुगार अड्डा चालवत असल्याची कबुली दिल्याचे पोलिसांनी नमूद केले आहे. आरोपींकडून रोख रक्कम, जुगाराचे पत्ते, मोबाईल फोन तसेच वाहने जप्त करण्यात आली. सर्व आरोपींविरुद्ध महाराष्ट्र जुगार प्रतिबंधक कायद्यान्वये राहाता पोलीस ठाण्यात गुन्हा दाखल करण्यात आला आहे.
कारवाईतील आरोपींची नावे पुढीलप्रमाणे :
अशोक तुकाराम सोनवणे (वय 43) – रा. अस्तगाव, ता. राहाता
अंज्याबापू किसन त्रिभुवन (वय 50) – रा. अस्तगाव, ता. राहाता
संजय शिवराम जेजुरकर (वय 50) – रा. अस्तगाव, ता. राहाता
निसार कादरभाई शेख (वय 64) – रा. अस्तगाव, ता. राहाता
भागवत किसन त्रिभुवन (वय 55) – रा. अस्तगाव, ता. राहाता (जुगार अड्डा चालविल्याचा आरोप)
उस्मान इब्राहिम पठाण (वय 40) – रा. बाभळेश्वर, ता. राहाता
लक्ष्मण गोविंद आण्णा गायकवाड (वय 36) – रा. श्रीरामपूर
अरुण साहेबराव वर्षे (वय 50) – रा. मोरवाडी, ता. राहाता
मुन्नावर इब्राहिम शेख (वय 38) – रा. बाभळेश्वर, ता. राहाता
राजेंद्र किसन पोटे (वय 50) – रा. लोणी, ता. राहाता
गोकुळ सोन्याबापू गाडेकर (वय 40) – रा. राहाता
सोपान बबन लहामगे (वय 51) – रा. यादवमळा, राजुरी, ता. राहाता
संजय कचरू राऊत (वय 51) – रा. बेलापूर, ता. श्रीरामपूर.
या कारवाईमुळे राहाता तालुक्यात अवैध जुगार अड्डे चालविणाऱ्यांचे धाबे दणाणले असून, अस्तगावात एवढ्या बिनधास्तपणे जुगार सुरू असताना संबंधित यंत्रणांना याची कल्पना नव्हती का? असा सवाल नागरिकांकडून उपस्थित केला जात आहे. आता या अड्ड्याशी संबंधित आर्थिक साखळी, आश्रयदाते आणि इतर जुगार अड्ड्यांवरही पोलिसांनी अशीच कठोर कारवाई करावी, अशी मागणी जोर धरत आहे.
