शिर्डी (प्रतिनिधी)
शिर्डीत साईबाबा शैक्षणिक संकूलामधे व्दितीय वर्ष कला शाखेच्या परिक्षेचा पेपर लिहिताना डमी परिक्षार्थी पकडल्याची घटना घडली असून विद्यार्थी व डमी या दोघा विरुद्ध शिर्डी पोलीस ठाण्यात गुन्हा दाखल करण्यात आला आहे.
मंगळवार दि .६ मे रोजी साईबाबा संस्थान संचलीत शैक्षणिक संकूलात सावित्रीबाई फुले विद्यापिठ पुणे यांचे मार्फत इयत्ता बारावी चा पेपर सुरू होता
दुपारी दोन वाजता यावेळी दुसऱ्या माळ्यावरील डी- १२ या वर्गात पर्यवेक्षक परीक्षा कक्षात असताना आसन क्र . १७५९५ हा रितेश प्रकाश भोसले वय २८ रा .ओमसाईनगर शिर्डी हा या आसन क्रमांकावर परिक्षा देणे आवश्यक असताना त्या जागी भार्गव मनोहर दोडीया वय ३६ रा सावळीविहीर ता राहाता हा पेपर सोडवताना तेथे आढळून आला .
त्याचे कडे अधिक विचारणा केली असता तो उडवाउडवी ची उत्तरे देवू लागला पर्यवेक्षक यांना सदर डमी विद्यार्थी असल्याची खात्री झाल्याने त्यांनी प्राचार्य संतोष भिमराव औताडे यांना सदर प्रकारा बाबत कल्पना दिली . औताडे यांनी भार्गव दोडीया यास पकडून शिर्डी पोलीस ठाण्यात रितसर तक्रार दाखल केली आहे .
सदर तक्रारीवरून रितेश भोसले व भार्गव दोडीया याचे विरोधात ३१९ (२) प्रमाणे गुन्हा दाखल करण्यात आला असून भार्गव दोडीया यास अटक करण्यात आली आहे . पुढील तपास पो . नि . गलांडे करत आहे .
