शिर्डी प्रतिनिधी/ : श्री साई संस्थान एम्प्लॉईज क्रेडीट . सोसायटी शिर्डीची वार्षिक सर्वसाधारण सभा श्री साईबाबा संस्थान शिर वातावरणात पार पडली.
उपस्थित सभासदांचे संचालक श्री रविंद्र बाबु गायकवाड यांनी उपस्थितांचे स्वागत केले व अध्यक्षपदाची सुचना मांडली त्यास संचालक श्री भाऊसाहेब चांगदेव कोकाटे पा. यांनी अनुमोदन दिले. त्यानंतर विद्यमान चेअरमन श्री विठ्ठल तुकाराम पवार पा. यांनी सभेचे अध्यक्षस्थान स्विकारले. सभेस मोठ्या संख्येने सभासद वर्ग उपस्थित होता. विषय पत्रिकेप्रमाणे विषयांचे वाचन संस्थेचे सचिव श्री नबाजी नामदेव डांगे पा. यांनी केले सर्व विषयवार साधक बाधक चर्चा होवुन सर्व विषय बहुमताने मंजुर करण्यात आले.
सभेचे अध्यक्ष श्री विठ्ठल तुकाराम पवार पा. यांनी आपल्या अध्यक्षीय भाषनात संस्थेच्या आर्थिक परिस्थितीचा आढावा घेतला. श्री साईबाबा संस्थान विश्वस्तव्यवस्था, शिर्डीच्या तदर्थ समितीचे अध्यक्ष मा. न्यायमुर्ती श्री सुधाकरजी यार्लगड्डा साहेब, जिल्हाधिकारी मा.श्री सिध्दाराम सालीमठ साहेब (भा.प्र.से.) तदर्थ समिती सदस्य तसेच मा. श्री गोरक्ष गाडीलकर साहेब (भा.प्र.से.) मुख्य कार्यकारी अधिकारी, तसेच मा.श्री तुकारामजी हुलवळे साहेब, उपमुख्यकार्यकारी अधिकारी सर्व प्रशासकिय अधिकारी, मुख्य लेखाधिकारी, सर्व विभाग प्रमुख त्याच प्रमाणे सर्व सभासदांचे मिळत असलेल्या सहकार्याबद्दल आभार मानले.
सभेत सभासदांच्या हिताचे व संस्थेच्या हितांच्या अनेक विषयांवर चर्चा झाली. संस्थेच्या इतिहासात तब्बल एकुण २० विषयांवर चर्चा झाली. त्यात अनेक मान्यवर सभासदांनी भाग घेतला त्यास दीपावली शिधा वाटप, मकर संक्रांत वाणवस्तु वाटप, मराठी नुतन वर्ष गुढीपाडवा शिधा वाटप, तसेच संस्थेस शिर्डी शहाराचे मध्यवर्ती ठिकाणी बांधकामासह जागा खरेदी करण्याचा विषयही बहुमताने मंजुर झाला. परंतु संस्थेचे अद्यावत नुतन कार्यालय उभारण्यास सभासद श्री प्रतापराव कोते, श्री वाल्मीक धरम, श्री विजय डांगे, श्री रविंद्र चौधरी, श्री पांडुरंग धुमसे यांनी विरोध दर्शविला तर उर्वरीत सर्व सभासदांनी बहुमताने शिर्डी शहराचे मध्यवर्ती ठिकाणी बांधकामासह जागा खरेदी करुन संस्थेचे अद्यावत कार्यालय उभारण्यास मंजुरी दिली. या प्रसंगी सन २०२३-२४ करीता सभासदांचे शेअर्स वर १५% डिव्हीडंड देण्यास तसेच सभासद ठेवीवर द.सा.द.शे.९% प्रमाणे व्याज देण्यास सर्वानुमते मान्यता दिली तर संस्थेचे चेअरमन श्री विठ्ठल पवार पा. यांचे संकल्पनेतुन जामीनदार मुक्तीबाबत पहिले पाऊल म्हणुन सर्व सभासदांचा नैसर्गिक मृत्युचा विमा उतरविण्यात येवून होणाऱ्या विमा हप्त्यापैकी ५०% विमा हप्ता सभासदांनी तर उर्वरीत ५०% हप्ता संस्थेने भरण्यात यावा असा ठराव सर्वानुमते मंजुर करण्यात आला. त्याच प्रमाणे सर्व सभासद व कर्मचारी यांना दीपावली-२४ निमीत्त ५० किलो साखर, ५ लिटर गोडतेल, २ किलो मिठाई व सप्रेमभेट वस्तु देण्यास या सभेने मान्यता दिली.
सभेस संस्थेचे चेअरमन श्री विठ्ठल तुकाराम पवार पा., व्हा. चेअरमन श्री पोपटराव भास्करराव कोते पा., संचालक श्री महादु बापुसाहेब कांदळकर, श्री कृष्णा नाथा आरणे, श्री भाऊसाहेब चांगदेव कोकाटे पा., श्री संभाजी शिवाजी तुरकणे पा., श्री देविदास विश्वनाथ जगताप, श्री विनोद गोवर्धन कोते पा., श्री मिलींद यशवंत दुनबळे, श्री तुळशिराम रावसाहेब पवार पा., श्री रविंद्र बाबु गायकवाड, श्री भाऊसाहेब लक्ष्मण लवांडे पा., श्री इकबाल फकिरमहंमद तांबोळी, श्री गणेश अशोक आहिरे, सौ. सुनंदा किसन जगताप पा., सौ. लता मधुकर बारसे पा., श्री रंभाजी काशिनाथ गागरे, श्री भाऊसाहेब भानुदास लबडे पा. (तज्ञ संचालक) सचिव श्री नबाजी नामदेव डांगे पा., सह. सचिव श्री विलास गोरक्षनाथ वाणी तसेच मोठा सभासद वर्ग उपस्थित होता.
सभेच्या शेवटी संस्थेचे चेअरमन श्री विठ्ठल पवार पा. यांनी सभा खेळीमेळीच्या वातावरणात पार पाडण्यास सहकार्य केल्याबद्दल उपस्थित सभासदांचे आभार मानले.
