साई भक्ताचे शिर्डीत एटीएम कार्ड हात चलाखीने बदलून अठरा हजार रुपये काढून केली फसवणूक!
शिर्डी (प्रतिनिधी) शिर्डी येथे साई दर्शनाला आलेल्या छत्तीसगड राज्यातील साईभक्तांचे एटीएम कार्ड हातचलाखी करून बदलून अठरा हजार रुपये काढून फसवणूक केल्याची तक्रार शिर्डी पोलीस स्टेशनला दाखल झाली आहे.
या संदर्भात अधिक माहिती अशी की, बिलासपुर छत्तीसगड येथील विलास ठाकूर यांनी शिर्डी पोलीस स्टेशनला फिर्याद दिली आहे की,आपण छत्तीसगड राज्यातील बिलासपुर येथील
आपल्या पत्नी व मुलांसह शिर्डी येथे सहा डिसेंबर 2023 रोजी आलो होतो. सात डिसेंबर रोजी पहाटे रेल्वे स्टेशनला उतरून शिर्डी साई आश्रम पाचशे रूम येथे जाऊन रूम बुक केली व तेथून श्री साई मंदिरात दर्शन घेऊन आम्ही परत आलो. माझ्याकडे रोख रक्कम कमी असल्यामुळे माझी पत्नी प्रीती राणी हिचे स्टेट बँक एटीएम कार्ड घेऊन आम्ही पैसे काढण्यासाठी शिर्डी साई आश्रम पाचशे रूम समोरील ॲक्सिस बँकेचे एटीएम मध्ये गेलो. तेव्हा मी पैसे काढत असताना एक अनोळखी ईसम मला पैसे काढण्यासाठी मदत करीत होता. पण पैसे निघाले नाही.
तेव्हा मी माझ्याकडे असलेले एटीएम कार्ड पाहिले असता ते माझ्या पत्नीच्या नावाचे नसल्याचे दिसले .सदर एटीएम हे शरद अशोक गायकर या नावाचे होते .तेव्हा मला पैसे काढण्यासाठी मदत करणारा इसम याला शेजारी पाहिले असता तो दिसून आला नाही. तेव्हा माझी खात्री झाली की मला मदत करणारा अनोळखी ईसम यांनी हात चलाखी करून माझ्या पत्नीच्या जवळ असलेले एटीएम कार्ड लबाडीचे इराद्याने चोरून घेऊन गेला आहे. त्यानंतर या एटीएम मधून अठरा हजार रुपये काढले गेले.व आमची फसवणूक झाली. अशा आशयाची फिर्याद त्यांनी शिर्डी पोलीस ठाण्यात दिली असून शिर्डी पोलीस ठाण्यात गुन्हा रजिस्ट्रेशन नंबर 10 79/2023 नुसार भादवि कलम 420 प्रमाणे गुन्हा दाखल करण्यात आला आहे. अधिक तपास शिर्डीचे पोलीस करत आहेत.
