शिर्डी प्रतिनिधी
पक्ष संघटनेत पूर्वापासून सक्रीय असलेले शिर्डीतील संग्राम कोते पाटील यांचे नाव आघाडीवर असल्याचे सांगण्यात येते. आज दिवसभरात त्यावर शिक्कामोर्तब होऊन उदया शेवटच्या दिवशी उमेदवारी अर्ज दाखल केला जाण्याची शक्यता आहे. पक्षीय बलाबल पहाता ही निवडणूक बिनविरोध होण्याचीच अधिक शक्यता आहे.
विधानसभा निवडणुकीतील यशामुळे अनेकांना याचे वेध लागले आहेत. तर या निवडणुकीत पराभव झालेली मंडळीही यासाठी इच्छुक आहेत. मात्र त्यांची संख्या अधिक आहे. त्यामुळे एकाला संधी दिली तर दुसरा नाराज, अशी स्थिती होऊ शकते. हे टाळण्याठी पवार वेगळा विचार करीत असल्याचे सांगण्यात येते.
त्यातून शिर्डीचे संग्राम कोते पाटील, झिशान झिद्दीकी, आनंद परांजपे यांची नावे पुढे आली आहेत. जागा राष्ट्रवादीची असली तर त्यासाठी मतदान तिन्ही पक्षांच्या आमदारांचे होणार आहे. त्यामुळे त्यांना चालणारा उमेदवारच द्यावा लागणार आहे. अशा चर्चेनंतर कोतेपाटील यांचे नाव जवळपास नक्की झाल्याचे सांगण्यात येते.
कोते पाटील यांनी राष्ट्रवादी काँगेस एकसंघ असताना विद्यार्थी संघटनेपासून पक्षात काम केले आहे. पक्षफुटीनंतर त्यांनी अजित पवारांनाच साथ दिली. अजितदादांचे विश्वासू म्हणून त्यांची ओळख आहे. शिर्डीत अलीकडेच झालेल्या पक्षाच्या अधिवेशानाची जबाबदारी त्यांच्यावरच सोपविण्यात आली होती
