शिर्डी (प्रतिनिधी) शिर्डीत संस्थानच्या एका अधिकाऱ्याच्या दक्षतेमुळे चोरी गेलेली मोटरसायकल मालकाला परत मिळालीआहे. यासंदर्भात अधिक माहिती अशी की, श्री साईबाबा संस्थान शिर्डी चे कार्यकारी अभियंता दाभाडे साहेब यांनी काही दिवसांपूर्वी साईनगर येथे बिल्डिंग समोर एक मोटर सायकल बरेच दिवसांपासून बेवारस पडून आहे.
मालकाचा शोध घेता आला तर बघा. असे सुरक्षा विभागाला सांगून त्यांनी गाडीचा फोटो पाठवला. गाडीचा क्रमानं एम. एच 15 डी आर 5848 असा असून होंडा युनिकॉर्न होती. गाडीच्या मागील नंबर प्लेट वर वर्धमान मोटर्स( होंडा शोरूम )पिंपळगाव असा शोरूम चा पत्ता होता. शोरूम ला संपर्क करून मोटोरसायकल मालकाचे नाव व मोबाईल क्रमांक मिळवला.
पण मोबाईल क्रमांक बंद होता. मालकाचे नाव काशिनाथ विठोबा गायकवाड रा. पिंपरी ता. निफाड जि. नाशिक असे होते. नंबर बंद असल्यामुळे आमच्याकडून संपर्क झाला नाही. त्यावेळी वर्धमान मोटर्स पिंपळगांव चे संचालक श्री. संजय छाजेड यांनी संबंधित गावात संपर्क करून गाडी मालकाचा मुलाचा नंबर मिळवून दिला.
आज रोजी मालक गाडी घ्यायला आले त्यांनी सांगितले की, पुणे येथे मुलगा कॉलेज ला होता म्हणून त्याला गाडी दिली होती. परंतु एक वर्षांपूर्वी तेथून गाडी चोरी झाली होती. चोरी झालेली गाडी परत मिळेल अशी किंचितही अपेक्षा नव्हती. परंतु साईबाबांच्या कृपेने गाडी परत मिळाल्याने त्यांनी आनंद व्यक्त केला.
आज त्यांची होंडा युनिकॉर्न मोटार सायकल ताब्यात दिली. श्री साईबाबा संस्थान चे कार्यकारी अभियंता दाभाडे साहेब व वर्धमान मोटर्स चे संचालक श्री संजय छाजेड यांच्यामुळे चोरी झालेली गाडी मूळ मालकांच्या ताब्यात देता आली. संस्थांनच्या सुरक्षा कर्मचाऱ्यांच्या तत्परतेमुळे व दक्षतेमुळे ही चोरीची गाडी मूळ मालकाला परत मिळाल्यामुळे संस्थांनच्या अधिकारी व कर्मचाऱ्यांचे आणि सुरक्षा विभागाचे अभिनंदन होत आहे.
