शिर्डी ( प्रतिनिधी )हॉटेल भाड्याने चालवायचे असेल तर महिन्याला एक लाख रुपये खंडणी द्यावी लागेल अशी अपहरण करून मागणी करणाऱ्यां खंडणी बहाद्दरांविरोधात शिर्डी पोलीस ठाण्यात पुन्हा दाखल झाल्याने मोठी खळबळ उडाली आहे. यासंदर्भात पोलीस सूत्रांकडून मिळालेली अधिक माहिती अशी की,
राहता तालुक्यातील निमगाव येथील नितीन भाऊसाहेब शहाणे यांनी शिर्डी पोलीस ठाण्यात फिर्याद दिली आहे की, आपण नगर मनमाड लगत असणाऱ्या सावळीविहीर येथील उल्हास काळे यांचे हॉटेल गारवा परमिट रूम, बियर बार हे गेल्या सहा महिन्यापासून भाडे तत्त्वावर चालवण्यासाठी घेतलेले असून
दि. 16/05/2025 रोजी सकाळी 10/00 वा. चे सुमारास मी हे हॉटेल ऊघडून दिवसभर हॉटेलवरच थांबलेले होतो.
त्यानंतर रात्री 08/30 वा. चे सुमारास मी पायी माझ्या घरी निमगाव बायपास रोडने जात असतांना माझ्या पाठीमागुन एक पांढ-या रंगाची महिंद्रा कंपनीची स्कॉर्पीओ कार माझ्या जवळ आली व त्यातुन दोन अनोळखी इसम वय अंदाजे 35 ते 38 वर्षे वयाचे दरम्यान असणारे यांनी मला गाडीत बसवुन निमगाव को-हाळे रोडवरील हॉटेल गोटु का ढाबा
येथे घेवुन जावुन मला खाली उतरवुन मला ते दोन अनोळखी इसम म्हणाले की, तुला जर सावळीविहीर येथिल गारवा हॉटेल चालवायचे असेल तर तुला एका महीन्याला एक लाख रुपये द्यावे लागेल. अशी खंडणी मागीतली. त्यावर मी त्यांना ठिक आहे. असे बोललो असताही त्यांनी मला हाताने तसेच वायर रोप याने पाठीवर तसेच तोंडावर मारहाण करुन जखमी केले.
त्यावेळी आजुबाजुला राहणारे लोक जमा झाले. नंतर ते तेथुन पळुन गेले. त्यावेळी जमा झालेले लोकांपैकी मिनल गोंदकर, गोरख चक्रनारायण दोन्ही रा. निमगाव, अश्यांनी मला जखमी अवस्थेत शिर्डी पोलीस स्टेशन येथे आणल्यानंतर मी जखमी अवस्थेत असल्याने तसेच मला त्रास होत असल्याने मला सचिन शेजवळ व मिनल गोंदकर यांनी मला साईबाबा हॉस्पीटल शिर्डी याठिकाणी औषधउपचारा करीता घेवुन गेले.
त्यावेळी मला स्कॉर्पीओ कारमध्ये घेवुन जाणारे व मारहाण करणारे यांची नावे 1) बनु मते 2) सागर पगारे दोन्ही रा. निमगाव ता. राहाता 3) आशिष रा. सावळिवीहर ता. राहाता असे असल्याचे समजले. ते दोघे पुन्हा साईबाबा हॉस्पीटल येथे येवुन मला शिवीगाळ केली व तेथून निघुन गेले.
त्यानंतर मला माझ्या हॉटेलचे मॅनेजर सुकान भोई यांनी माझ्या लहान भावाच्या मोबाईल फोनवर फोन करुन सांगीतले की, 1) बनु मते 2) सागर पगारे दोन्ही रा. निमगाव ता. राहता 3) आशिष रा. सावळीविहर ता. राहाता हे आपले हॉटेलवर आले होते व त्यांनी मला धमकी देवुन दोन रेडलेबल कंपनीची दारुच्या बाटल्या घेवुन गेले.
अशा आशयाची फिर्याद नितीन भाऊसाहेब शहाणे यांनी 1) बनु मते 2) सागर पगारे दोन्ही रा. निमगाव ता. राहाता 3) आशिष रा. सावळीविहीर ता. राहाता यांचे विरुद्ध शिर्डी पोलीस ठाण्यात दाखल केली असून या फिर्यादीनुसार शिर्डी पोलीस ठाण्यात गुन्हा रजिस्टर नंबर 0541 /2025 नुसार
भारतीय न्याय संहिता (बी एन एस), 2023 प्रमाणे कलम
115(2) 118(1) 3 (5) 4 308 नुसार गुन्हा दाखल करण्यात आला आहे. अधिक तपास शिर्डीचे पोलीस उपविभागीय अधिकारी श्री शिरीष वमने व पोलीस निरीक्षक गलांडे यांच्या मार्गदर्शनाखाली शिर्डी पोलीस करत आहेत.
