अंबरनाथ (मुंबई) येथून शिर्डीत आलेली पिडीत तरुणी साईराजे हॉटेलात थांबलेली असताना आरोपी रुमबॉय आरोपी हा अल्पवयीन असल्याने कायद्याने नाव टाकता येत नाही (रा. साईराजे हॉटेल पिंपळवाडी शिर्डी) याने बाथरूममध्ये तिच्या आंघोळीचा व्हिडिओ चोरून शूट केला.
या घृणास्पद प्रकाराची माहिती मिळताच पीडित तरुणीने शिर्डी पोलीस ठाण्यात थेट तक्रार दाखल केली.
त्यानंतर पोलिसांनी भारतीय न्यायसंहिता २०२३ च्या कलम ७७ अंतर्गत गुन्हा नोंदवून आरोपीविरुद्ध कठोर कारवाई सुरू केली आहे.
—
“साईंच्या नगरीत महिलादेखील असुरक्षित?” — भक्तांचा संतापाचा स्फोट! 
या घटनेनंतर साईनगरीत प्रचंड संताप उसळला आहे.
साईभक्तांनी थेट प्रश्न उपस्थित केले —
“साईंच्या नगरीत महिलाही आता सुरक्षित नाहीत का?” “शिर्डीचं पावित्र्य अशा नीच लोकांनी का कलंकित करावं?”
साईभक्त, पर्यटक आणि स्थानिक नागरिकांनी या विकृत प्रवृत्तीविरुद्ध आवाज उठविला असून “शिर्डीची प्रतिष्ठा वाचवण्यासाठी पोलिसांनी अशा प्रकरणांवर झडप घालावी!” अशी मागणी जोर धरत आहे.
—
भ्रष्टाचार, गैरव्यवहार आणि आता अश्लीलता — साईनगरीवर डाग! 
अलीकडच्या काळात साईनगरीत संस्थानातील विज घोटाळा, आर्थिक अनियमितता, काही हॉटेलांतील छेडछाड प्रकरणे, पेट्रोल पंपावरील गैरव्यवहार अशी अनेक प्रकरणे समोर आली आहेत.
आता या “हॉटेल शूटिंग स्कँडल” मुळे साईनगरीवरील भक्तांचा विश्वास डळमळीत झाला आहे.
साईभक्तांचे म्हणणे आहे की,
> “साईंच्या नगरीत धर्माच्या नावाखाली अधर्म करणारे लोक बाबांच्या नावाला काळीमा लावत आहेत.
आता वेळ आली आहे — साईंचा ‘सटका’ त्यांना भोगावा लागेल!” 
—
पोलिसांकडून तपास सुरू — नीच प्रवृत्तीला माफी नाही! 
शिर्डी पोलीस प्रशासनाने तक्रारीची दखल घेऊन तपास सुरू केला असून, आरोपीविरुद्ध कठोर कार्यवाहीचे आदेश दिल्याचे प्राथमिक वृत्त आहे.
दरम्यान, साईभक्त, महिला संघटना आणि स्थानिक नागरिकांनी सर्व हॉटेलांची तपासणी, CCTV ऑडिट आणि महिला सुरक्षा यंत्रणा मजबूत करण्याची मागणी केली आहे.
—
साईभक्तांचा एकमुखी इशारा:
> “साईंच्या पवित्र भूमीत घाणेरडे कृत्य करणाऱ्यांना माफी नाही!
भक्तीवर डाग लावणाऱ्यांवर आता थेट कारवाई हवी —
साईंचा सटका जवळ आलाय!” 
