पश्चिम घाट माथ्यावरील पाणी पूर्वेकडे नगर नाशिक मराठवाडा साठी वळविण्यात यावे! लोखंडे यांची संसदेत जोरदार मागणी!
पश्चिम घाट माथ्यावरील पाणी समुद्राला वाहून जाते. हेच घाट माथ्यावरील समुद्राला वाहून जाणारे पाणी पूर्वेकडे नगर नाशिक मराठवाडा साठी वळविण्यात आले तर या भागाचा कायापालट होईल. अनेक दिवसापासून ही नागरिकांची शेतकऱ्यांची मागणी आहे. समुद्राला जाणारे हे अतिरिक्त पाणी नगर नाशिक मराठवाड्यासाठी मोठे फायदेशीर ठरेल. त्यासाठी केंद्र व राज्य शासनाने प्रयत्न करावा. या महत्त्वाच्या मुद्द्यावर विषय आज संसदेच्या हिवाळी अधिवेशनात शिर्डी लोकसभा मतदार संघाचे खासदार सदाशिव लोखंडे यांनी मांडत हा प्रश्न अनेक वर्षापासून चर्चेत आहे.
मात्र तो प्रत्यक्षात अमंलात यावा. अशी जोरदार मागणी खासदार सदाशिव लोखंडे यांनी संसदेत केली. खासदार लोखंडे यांनी संसदेत केलेल्या या मागणीची चर्चा आता शिर्डी लोकसभा मतदारसंघात जोरदार सुरू आहे.व खासदार लोखंडे यांनी नगर नाशिक मराठवाडा च्या महत्त्वाच्या प्रश्नाला संसदेत वाचा फोडली. त्यामुळे खासदार लोखंडे यांचेही नागरिक, शेतकऱ्यांमधून धन्यवाद मानण्यात येत आहे.
