आमदार स्नेहलता कोल्हे यांनी फेसबुकवर एक शायरी पोस्ट करत कार्यकर्त्यांना भावनिक साद घातली असून कोल्हे भाजपात राहणार असल्याचे संकेत दिले आहेत. वर्षानुवर्षाची पारंपरिक लढत यंदा होणार नसल्याचे चित्र दिसत असून काळे-कोल्हेंच्या ताकतीपुढे महाविकास आघाडीचा उमेदवार कशी टक्कर देणार, याकडे आता सर्वांच्या नजरा लागल्या आहेत.
भाजपच्या प्रदेशाध्यक्ष आणि माजी आमदार तथा विवेक कोल्हे यांच्या मातोश्री स्नेहलता कोल्हे यांनी आपल्या पोस्टमध्ये लिहिले आहे की, निवडणुकीचे बिगुल वाजले बऱ्याच गोष्टी घडल्या. या दरम्यान गेले अनेक दिवस आपण सर्वजण मला, दादांना आणि खास करून विवेकभैय्यांना विविध माध्यमांतून संपर्क करण्याचा प्रयत्न करता आहात. तुम्हा सर्वांना असणारा विश्वास आणि फक्त आपला कोपरगाव मतदारसंघच नव्हे तर अगदी राज्यभरातून अनेक ठिकाणी आपले हितचिंतक आपल्या भूमिकेकडे लक्ष ठेवून आहेत.
