शिर्डी (प्रतिनिधी) मराठी हिंदी चित्रपटातील प्रसिद्ध सिने अभिनेत्री उर्मिला मातोंडकर यांनी शिर्डीला भेट देऊन श्री साईबाबांच्या समाधीचे दर्शन घेतले. साई दर्शनानंतर त्यांचा श्री साईबाबा संस्थानच्या वतीने मुख्य कार्यकारी अधिकारी गोरक्ष गाडीलकर यांनी त्यांचा सत्कार केला.
उर्मिला मातोंडकर हिने अनेक सिनेमे बॉलिवूडला दिले आहेत. वयाच्या 3 ऱ्या वर्षी उर्मिला हिने बालकलाकार म्हणून करियरची सुरुवात केली. 1991 मध्ये उर्मिलाने मुख्य अभिनेत्री म्हणून बॉलिवूडमध्ये पदार्पण केलं. त्यानंतर अभिनेत्रीने कधीच मागे वळून पाहिलं नाही. 1995 मध्ये उर्मिला राम गोपाल वर्मा यांच्या रंगीला सिनेमातही काम केले.
एक प्रसिद्ध सिने अभिनेत्री असल्यामुळे व ती शिर्डीत आल्याचे समजताच तिच्या चाहत्यांनी तिला पाहण्यासाठी गर्दी केली होती. उर्मिला मातोंडकर यांना उपस्थित साईभक्त, तसेच चाहत्यां कडून हात हालवत अभिवादनही करण्यात येत होते. त्याचप्रमाणे अभिनेता रोहन पाटील यांनी शिर्डीत येऊन श्री साईबाबांच्या समाधीचे दर्शन घेतले. साई दर्शनानंतर त्यांचाही श्री साईबाबा संस्थानच्या वतीने सत्कार करण्यात आला.
