शिर्डी (प्रतिनिधी)
शिर्डी येथे नाताळ सुट्ट्या, श्री दत्त जयंती व सरत्या वर्षाला निरोप आणि नवीन वर्षाच्या स्वागतासाठी साई भक्तांची मोठी गर्दी होत असून सध्या देशांमध्ये कोरोनाचे रुग्णही वाढत आहेत .त्यामुळे साई संस्थांनने नो मास्क नो दर्शन हा नियम लागू करावा व साई भक्तांना मोफत मास्क पुरवावेत. अशा सूचना ना. विखे यांनी साई संस्थान प्रशासनाला दिल्या आहेत.
विखे. यांनी श्री दत्त जयंतीच्या दिवशी शिर्डीला भेट देत श्री साईबाबांच्या समाधी मंदिरात जाऊन श्री साईबाबांचे मनोभावे दर्शन घेतले .त्यानंतर साई संस्थान तर्फे त्यांचा सत्कार करण्यात आला. ना. विखे. यांनी सध्या देशांमध्ये कोरोनाचे रुग्ण वाढत आहेत. या पार्श्वभूमीवर शिर्डीत नवीन वर्षाच्या स्वागतासाठी होणारी साई भक्तांची गर्दी लक्षात घेऊन साई भक्तांसाठी मास्क अनिवार्य करावा. नो मास्क नो दर्शन हा नियम संस्थांनने भक्तांसाठी लागू करावा व साई भक्तांसाठी साई संस्थान प्रशासनाने मोफत मास्क पुरवावेत. अशा सूचना त्यांनी संस्थान प्रशासनाला आज दिले आहेत.
सध्या नाताळ सुट्ट्या, श्री दत्त जयंती व सरत्या वर्षाला निरोप आणि नवीन वर्षाच्या स्वागता निमित्त शिर्डीत साईभक्त मोठ्या प्रमाणात दर्शनासाठी येत आहेत. अनेक साई भक्त हे स्वतःहून मास्क वापरतात. मात्र अनेकांना मास्क नसतो. देशात कोरोनाचे रुग्ण हळूहळू वाढत असल्यामुळे व शिर्डीत साई भक्तांची गर्दी ही वाढत असल्यामुळे कोरोनाचा प्रादुर्भाव टाळण्यासाठी साई भक्तांना मास्क मंदिरात जाताना अनिवार्य करावेत. त्यासाठी साई भक्तांना मोफत मास्क संस्थानने द्यावेत. अशी महत्त्वाची सूचना नामदार राधाकृष्ण विखे पाटील यांनी संस्थान प्रशासनाला केली आहे. त्यामुळे आता नवीन वर्षात साई भक्तांना नो मास्क नो दर्शन हा नियम लागू होणार आहे.
