शिर्डी (प्रतिनिधी) शिर्डी येथे अजित (दादा )पवार गटाच्या राष्ट्रवादी काँग्रेसचे 18 व 19 जानेवारी 2025 या कालावधीत पक्षाचे शिबिर आयोजित करण्यात आले असून त्यासाठी राज्याचे उपमुख्यमंत्री अजित दादा पवार हे शनिवार दिनांक 18 जानेवारी 2025 रोजी शिर्डीत येणार आहेत.
हॉटेल पुष्पक येथे होत असलेल्या शिबीराचे सत्र संपल्यानंतर उपमुख्यमंत्री अजित दादा पवार हे 18 जानेवारी 2025 रोजी सायंकाळी पाच वाजता तालुक्याच्या कार्यकर्त्यांच्या मेळाव्यासाठी हॉटेल साई संगम येथे येणार आहेत.
त्यांचे हॉटेल साई संगम येथे भव्य स्वागत करण्यात येणार असून सर्व तालुक्याच्या कार्यकर्त्यांनी हॉटेल साई संगम येथे उपस्थित रहावे असे आवाहन राष्ट्रवादी काँग्रेसचे राहता तालुका अध्यक्ष संदीप भाऊ सोनवणे यांनी एका पत्रकाद्वारे केले आहे.
दरम्यान राज्याची उपमुख्यमंत्री नामदार अजित दादा पवार यांच्या स्वागताची जोरदार तयारी साई संगम येथे करण्यात आली असून स्वागत कमानी तसेच आकर्षक विद्युत रोषणाई करण्यात आली आहे.
शिर्डी येथे हॉटेल पुष्पक मध्ये होणाऱ्या शिबिरात राष्ट्वादीचे राज्याचे सर्व पदाधिकारी खासदार आमदार व कार्यकर्ते उपस्तिथ राहणार आहेत
