शिर्डी( प्रतिनिधी) शिर्डी मध्ये व्हाइटनर ची नशा करणाऱ्या तरुणांची संख्या वाढत असून नशेमध्ये ही व्हाइटनर गॅंग धुमाकूळ घालत आहेत.
या व्हाईटनर गॅंगने शिर्डी येथील नगर परिषदेच्या शेजारी शासकीय आधार केंद्राच्या बाहेरील बोर्ड तोडून व आधार सेंटरचे कुलूप तोडून त्याचप्रमाणे तेथील कॅमेरे चे नुकसान करून धुमाकूळ घातला असून तशी शिर्डी पोलीस स्टेशनलाही तक्रार देण्यात आली आहे.
या व्हाइटनर गॅंगचा पोलिसांनी तपास लावून त्यांचा बंदोबस्त करावा अशी मागणी साईभक्त, ग्रामस्थांनी केले आहे. या संदर्भात गणेश रामदास शिंदे राहणार श्रीराम नगर शिर्डी यांनी शिर्डी पोलीस ठाण्यात फिर्याद दिली आहे की,
आपले शिर्डी नगरपरिषद येथील शिर्डी उपविभागीय कार्यालयासमोर शासकीय आधार सेंटर असून 25 मे 2025 रोजी रविवार असल्याने शासकीय सुट्टीमुळे आपण ऑफिस बंद केलेले होते. मात्र 26 मे 2025 रोजी सकाळी ऑफिस उघडण्यास गेलो असता येथील माझ्या आधार नोंदणी कार्यालयाचे बोर्डाचे तसेच कॅमेऱ्याचे नुकसान झालेले आहे.
अज्ञात ईसमांनी ते कॅमेरे तोडून नुकसान केलेले असून या परिसरात कमी वयाचे तरुण व्हाइटनर नशा करून धुमाकूळ घालतात. अशी चर्चा आहे. या व्हाइटनर गॅंग चा तपास करून त्यांचा बंदोबस्त करावा .अशी मागणी गणेश रामदास शिंदे यांच्या बरोबरच येथील दुकानधारक व ग्रामस्थांनी केली आहे.
