शिर्डी (प्रतिनिधी) शिर्डीत आता साईभक्त महिलांप्रमाणे स्थानिक महिलांच्याही गळ्यातील सोन्याचे दागिने ओरबडून धूम स्टाईल चोरी होत आहे .त्यामुळे महिलांमध्ये एक प्रकारची घबराट निर्माण झाली असून सोन्याचे दागिने घालावी की नाही? असा प्रश्न महिलांना पडला आहे.
अशीच एक घटना शिर्डीत नुकतीच घडली असून या संदर्भात संगीता नानासाहेब अहिरे शिवाजी नगर, शिर्डी यांनी शिर्डी पोलीस ठाण्यात फिर्याद दिली आहे की,
दिनांक 03/06/2025 रोजी सकाळी 08/45 वा. चे सुमारास मी माझे राहते घराजवळ असणारे जुने झुलेलाल मंदीर परिसरातील वडाचे झाडाला पाणी देण्यासाठी व पुजा करण्यासाठी गेले होते.
तेव्हा मी झाडाला पाणी देवुन व पुजा करुन परत घरी पायी येत असतांना माझ्या जवळ एक अनोळखी अंदाजे वय 30 ते 35 वर्षे वयाचा इसम फोनवर बोलत बोलत माझ्याजवळ आला व हिंदी भाषेमध्ये मला म्हणाला की, मा जी थ्रीजी हॉटेल कहा पर है त्यावर मी त्याला म्हणले की मला माहिती नाही असे म्हणाले असता
माझे लक्ष दुसरीकडे गेल्याने त्याने माझ्या गळ्यातील 16 ग्रॅम वजनाची सोन्याचे मिनी गंठण ओरबडले.पैकी 8 ग्रॅम वजनाचे सोन्याचे मिनी गंठण हे माझ्या साडीच्या पदराला आडकुन राहीले व उर्वरीत अंदाजे 8 ग्रॅम सोन्याचे मिनी गंठण हे बळजबरीने ओढुन, तोडुन घेवुन तो तेथुन पळुत जावुन रोडवर मोटार सायकलवर बसलेला दुस-या इसमच्या मोटार सायकलवर बसुन ते दोघे झुलेलाल चौकाकडे निघुन गेले.
त्यावेळी मोटार सायकल चालवित असलेल्या इसमाच्या अंगात सफेद चेक्स रंगाचा शर्ट व त्याच्या पाठीला लाल रंगाची सँग अडकवलेला होती व मागे बसलेल्या इसमाच्या अंगात फिकट तांबूस रंगाचा शर्ट‌होता. त्यांनी संगणमताने माझ्या गळ्यातील सुमारे पन्नास हजार रुपये किंमतीचे सोन्याचे मिनी गंठण चोरून नेले आहे
अशा असल्याचे फिर्याद शिर्डी पोलीस ठाण्यात त्यांनी दाखल केल्या असून या फिर्यादीनुसार शिर्डी पोलीस ठाण्यात गुन्हा दाखल करण्यात आला असून अधिक तपास शिर्डी पोलीस करत आहेत.
