शिर्डी : मन सुन्न करणारी आणखी एक वेदनादायक बातमी… समृद्धी महामार्गावरील भीषण अपघातात जितेंद्र शेळके यांच्या निधनानंतर आता त्यांच्या पत्नीनेही उपचारादरम्यान अखेरचा श्वास घेतला आहे. एका क्षणात संपूर्ण कुटुंबावर काळाने घाला घातला… आणि शिर्डी शहर शोकसागरात बुडाले आहे.
धोत्रे गावाजवळ झालेल्या त्या भीषण अपघाताने आधीच शेळके कुटुंब उद्ध्वस्त झाले होते. कार कंटेनरखाली घुसल्याने झालेल्या धडकेत जितेंद्र शेळके यांचा जागीच मृत्यू झाला होता. पत्नी गंभीर जखमी अवस्थेत मृत्यूशी झुंज देत होत्या… पण अखेर ही लढाई त्या हरल्या.
💔 एका क्षणात संसार उद्ध्वस्त… मुलगा अजूनही मृत्यूशी झुंजतोय
या दुर्दैवी घटनेत त्यांचा मुलगा अजूनही गंभीर अवस्थेत असून संभाजीनगर येथे त्याच्यावर उपचार सुरू आहेत. आई-वडिलांचा आधार हरपलेल्या या लेकरासाठी संपूर्ण शिर्डी साई चरणी प्रार्थना करत आहे.
🙏 ज्यांनी आयुष्यभर इतरांसाठी जगलं… ते दोघंही आज नाहीत
जितेंद्र शेळके आणि त्यांच्या पत्नी — दोघंही माणुसकी जपणारे, साई भक्त आणि समाजासाठी झटणारे… आज दोघेही कायमचे निघून गेले. त्यांच्या जाण्याने फक्त एक कुटुंब नाही, तर संपूर्ण शहर पोरकं झालं आहे.
😢 शिर्डीत शोककळा — “देवाने खूप मोठं दुःख दिलं…”
ही बातमी समजताच शिर्डीत हळहळ व्यक्त होत आहे. “इतक्या चांगल्या माणसांवर असं का?” हा प्रश्न प्रत्येकाच्या मनात आहे. नागरिकांच्या डोळ्यांत अश्रू आणि मनात असहाय वेदना…
🕯️ एक अपूर्ण कथा… दोन जीवांचा अंत…
एक प्रवास, एक कुटुंब, एक आनंदी संसार… आणि एका क्षणात सर्व काही संपलं.
ही जखम कधीही न भरून येणारी आहे…
🙏 भावपूर्ण श्रद्धांजली…
“साई चरणी विलीन झालेल्या या दांपत्यास विनम्र अभिवादन…
ईश्वर त्यांच्या आत्म्यास शांती देवो… आणि त्यांच्या मुलाला या दुःखातून सावरण्याची शक्ती देवो…” 🕯️💔
