आपला संकल्प विकसित भारत रथयात्रा सध्या तालुक्यातील ठिकाणी जात असून ही संकल्प रथयात्रा राहता तालुक्यातील सावळीविहीर बुद्रुक येथेआली असता या संकल्प यात्रेचे जोरदार स्वागत करण्यात आले.
सावळीविहीर बुद्रुक येथे आल्यानंतर सावळीविहीर बुद्रुक येथील सरपंच ओमेश साहेबराव जपे व उपसरपंच विकास जपे , ग्रामविकास अधिकारी कार्ले व पदाधिकारी , कामगार तलाठी शिलावंत मॅडम यांनी स्वागत केले, या संकल्प रथयात्रे चे स्वागत करण्यासाठी येथील जिल्हा परिषद प्राथमिक शाळा तसेच न्यू.इं. स्कूल हायस्कूलच्या विद्यार्थ्यांनी झांज पथक ,लेझीम नृत्य सादर केले. तसेच ग्रामपंचायतीसमोर संकल्प रथयात्रा गेल्यानंतर तेथे विद्यार्थिनींनी स्वागत गीत गायले.
यावेळी पंतप्रधान नरेंद्र मोदी सरकारने केलेल्या अनेक विकास कामांचे तसेच विविध योजनांचे माहिती असणारे कॅलेंडर उपस्थितांना वाटण्यात आले. त्याचप्रमाणे अनेक लाभार्थींनी यावेळी भाषणे करत घरकुल योजना, बचत गटाला मिळणारे फायदे ,दवाखान्यात मिळणाऱ्या सुविधा ,याचा लाभ मिळाल्याबद्दल मोदी सरकारचे धन्यवाद मानले. यावेळी दत्ता गायकवाड सर यांनी या संकल्पनेचा उद्देश यावेळी उपस्थितांना सांगितला. व सर्वांना भारत देशाच्या विकास संकल्पनेची शपथ दिली.सरपंच ओमेश जपे यांनी यावेळी सावळविहीर बुद्रुक गावाच्या वतीने या संकल्प रथ यात्रेला शुभेच्छा दिल्या.
या संकल्प रथ यात्रेसाठी ग्रामपंचायतीचे सरपंच, उपसरपंच, ग्रामविकास अधिकारी कर्मचारी, पदाधिकारी ,हायस्कूल, जिल्हा परिषद शाळा, प्राथमिक आरोग्य केंद्र, अंगणवाडी सेविका, मदतनीस ,आशा सेविका ,महिला बचत गटाच्या महिला अनेक लाभार्थी, विद्यार्थी , नागरिक, ग्रामपंचायत कर्मचारी, यावेळी मोठ्या संख्येने उपस्थित होते.
