शिर्डी (प्रतिनिधी) शिर्डी येथून एटीएम मधून पैसे काढून साईनाथ हॉस्पिटल कडे पायी जात असताना पानमळा शहरात मोटरसायकलवर अनोळखी इसम मागून येऊन त्याने माझ्या खांद्याला अडकवलेली चॉकलेट रंगाची नऊ हजार पाचशे रुपये असलेली पर्स धुम स्टाईल पळून नेली असल्याची फिर्याद डोहाळे येथील विद्या प्रसाद शिरसाट यांनी शिर्डी पोस्टेला दिली आहे. यासंदर्भात पोलीस उत्तरांकडून मिळालेली अधिक माहिती अशी की.
विद्याप्रसाद शिरसाट यांनी शिर्डी पोलीस स्टेशनला दिलेल्या फिर्यादीत म्हटले आहे की,दिनांक 17मार्च 2025 रोजी सकाळी 10.30 वा चे सुमारास मी माझा मुलगा ओम यास घेवुन श्री. साईनाथ हॉस्पीटल शिर्डी ता राहाता येथे उपचारकामी घेवुन आले होते. मुलगा ओम यास डॉक्टरांकडे तपासुन आमलेनंतर त्याचे रिपोर्ट दुपारी 03.00 वा. देणार असल्याने मी मुलगा ओम यास घेवुन शिर्डी येथील आर.बी.एल. चौकाचे जवळ असलेले इको बँकेचे ए.टी.एम. मधुन पैसे काढण्यासाठी गेले.
पैसे काढलेनंतर मी ते पैसे माझेकडील पर्समध्ये ठेवले व मुलगा ओम व मी असे ए.टी.एम. कडुन श्री. साईनाथ हॉस्पीटल कडे पायी येत असताना दुपारी 01.45 वा चे सुमारास पानमळा शिवारात एक मोटार सायकल व त्यावर एक अनोळखी इसम हा आमच्या पाठीमागुन आला व त्याने माझे खांद्याला अडकवलेली चॉकलेटी रंगाची पर्स बळजबरीने हिसकावुन घेवुन श्री. साईनाथ हॉस्पीटलचे दिशेने मोटार सायकलवर जोरात निघुन गेला.
त्यानंतर मी व मुलगा ओम असे त्याचे गाडीचे पाठीमागे आरडा ओरडा करत पळालो परंतु तो आमचे हाती लागला नाही. माझे पर्समधील नऊ हजार पाचशे रुपये एटीएम कार्ड पासबुक पॅन कार्ड ,विश्वकर्मा योजनेचे कार्ड ,हॉस्पिटलचे ऑपरेशनचे दोन कार्ड व मतदान कार्ड असे या पर्समध्ये होते. ते सर्व चोरट्यांनी पर्स सह पळवून नेले असल्याची फिर्याद विद्या प्रसाद शिरसाठ यांनी शिर्डी पोलीस ठाण्यात केली आहे.
त्यांच्या फिर्यादीवरून शिर्डी पोलीस ठाण्यात गुन्हा दाखल करण्यात आला असून अधिक तपास शिर्डी पोलीस करत आहेत.
