अहमदनगर दक्षिणचे खासदार निलेश लंके हे शरद पवारांची भेट घेण्यासाठी गोविंद बाग येथे आले आहेत. यावेळी निलेश लंके यांनी माध्यमांशी संवाद साधला.
खासदार निलेश लंके म्हणाले की, ”मी नेहमीप्रमाणे पवार साहेबांच्या भेटीसाठी आलो आहे. मतदारसंघातील काही विषयांवर चर्चा करायची आहे. त्यानंतर अकलूज येथे धैर्यशील मोहिते पाटील यांच्या कार्यक्रमाला पवार साहेबांबरोबर जायचे आहे. त्यानंतर अहमदनगरमधील राजकीय परिस्थीतीवर प्रश्न विचारण्यात आला.
यावर उत्तर देतांना लंके म्हणाले की, आगामी विधानसभा निवडणुकीत अहमदनगरमध्ये सर्वच्या सर्व महाविकास आघाडीच्या जागा निवडून येतील. तसेच आरोग्य रथाबद्दल सुद्धा लंके यांनी भाष्य केलं आहे.
ते म्हणाले की, आरोग्य रथ हा मॉडेल म्हणून जरी नगर दक्षिणमध्ये फिरत असला तरी पुढील काळात राज्यभर शरदचंद्रजी पवार आरोग्य रथ घेऊन नागरिकांच्या आरोग्याची काळजी जाणार आहे. महाविकासआघाडीमध्ये कुठेही बंड होणार नाही. महाविकासआघाडी मधील प्रमुख नेते उमेदवारीबद्दल योग्य तो निर्णय घेतील.
