महाराष्ट्र शासनाने नुकतेच मुख्यमंत्री लाडकी बहीण योजना सुरू केली असून या योजनेचे अर्ज भरण्यासाठी सेतू केंद्र चालकांना विनाशुल्क अर्ज भरण्याचे आदेश दिले आहे. सेतू केंद्र चालकांना इतर खर्च असताना मोफत अर्ज भरणे परवडत नसल्याने सोमवारी अहमदनगर जिल्ह्यातील कोपरगाव शहर आणि तालुक्यातील सेतू केंद्र चालक आणि सीएससी सेंटर चालकांनी एक दिवसीय काम बंद आंदोलन करत तहसीलदार संदीप भोसले यांना निवेदन दिले आहे.
दिलेल्या निवेदनात म्हटले आहे की, आम्ही सर्व CSC सेंटर चालक व ऑनलाईन महा-ई-सेवा तसेच आधार सेंटर चालक आम्ही सर्व एकमताने आज रोजी तहसिलदार यांना निवेदन देत एकदिवसीय लाक्षणिक बंद ठेवत आहोत.शासन नविन शासन निर्णय काढतोय परंतु CSC सेंटर धारकांना ते फुकट करुन घ्या असे सांगण्यात येते पण आम्ही फुकट का करुन दयावे? आम्हाला त्याचे योग्य तेकमीशन कायम निश्चित करा व ते प्रत्येक महिन्याला VLE च्या खात्यावर जमा करा कींवा
प्रत्येक महिन्याला २० हजार रुपये असे मानधन कायम निश्चित करा अश्या विविध मागण्या निवेदनात करण्यात आले आहे. मुख्यामंत्राची लाडकी बहिण योजनेचे कार्यच ऑन लाईन करण्यासाठी (CSC ID) लिंक ओपन करुन दयावी . अशा विविध मागण्यासाठी कडकडीत बंद ठेवण्यात येत आहे.शासनाने आमच्या मागण्यांकडे दुर्लक्ष केल्यास लाडकी बहीण योजनेचे फॉर्म भरणार नाही असा इशारा देखील सीएससी सेंटर चालकांनी दिला आहे.
दिलेल्या निवेदनावर सागर शिंदे, सतीश कदम, एकनाथ लामखडे, दीपक पानगव्हाणे, दीपक कांबळे पोपट जाधव ,ज्योती खंडझोड, संदीप शिरसाठ,राजेंद्र वाघ, रवींद्र वलटे, वैभव चव्हाण ,नितीन बोरणारे, किशोर मैंद,पंकज मोरे, ऋषिकेश जाधव, हर्षल पाचोरे ,सुरेश शिंदे दत्तात्रय गोरडे ,सागर जामदार, संतोष माळवदे ,जितेंद्र टेके, गिरीश नारंग ,आतिश गवळी आदींच्या स्वाक्षरी आहे.
