साई संस्थान च्या शैक्षणिक संकूलात ड्युटीवर गांजा चे ध्रुम्रपान करणाऱ्या एका सुरक्षा रक्षकाचा गंभीर प्रकार समोर आला असून त्या सुरक्षारक्षकास तडकाफडकी निलंबीत केले आहे .
संदीप अरविंद मिरजकर( कायम कर्मचारी सुरक्षा विभाग) असे त्या निलंबीत केलेल्या सुरक्षा रक्षकाचे नाव असून तो साई बाबा संस्थान च्या शैक्षणिक संकुलात सुरक्षा रक्षक म्हणून कार्यरत होता . त्याला गांजा पिण्याचे व्यसन असल्याने तो ड्युटीवर गणवेशात असताना गांजा मळताना व चिलीम ओढताना त्याचे व्हीडीओ निदर्शनास आले होते .
शैक्षणिक संकूलात हजारो विद्यार्थी विद्यार्थिनी तेथून वावरत असताना तो बिनधास्तपणे उघड्यावर चिलीम मधे गांजा भरून ओढत असे . हा प्रकार अनेक दिवसांपासून सुरू होता .तेथे येणाऱ्या जाणाऱ्या पालकांच्या निर्दशनास तो पडत होता . काही पालकांनी तो हे कृत्य करत असताना त्याचे मोबाईल मधे फोटो व चित्रीकरण केले होते .
त्याने केलेल्या कृत्याचे फोटो व व्हीडीओ सामान्य प्रशासन विभागा कडे मिळाले होते .
याबाबत संरक्षण विभागा कडे त्याचे बाबत तक्रार प्राप्त झाली होती .
या तक्रारीची संस्थान चे कार्यकारी अधिकारी गोरक्ष गाडीलकर यांनी पडताळणी केली असता सदर प्रकार गंभीर असल्याचे त्यांचे निदर्शनास येताच याची गंभीर दखल घेत संदीप मिरजकर त्याचे निलंबन केले आहे .
