साईबाबा संस्थानचे रवींद्र आव्हाळे नामक कायम कंत्राटी कर्मचारी हे मेकॅनिकल विभागात कार्यरत असून मंदिर परिसरातील लेंडी बाग मधील धबधब्याजवळ जाळी बसविण्याची काम करत असताना विद्युत प्रवास सुरू असलेल्या महावितरणच्या डीपी जवळील तारेचा अचानक झटका लागून सदर कर्मचारी विद्युत झटक्याने फेकला गेला व बेशुद्ध झाला यावेळी साईबाबा संस्थानच्या सुरक्षा रक्षक व इतर कर्मचाऱ्यांनी रवींद्र आव्हाळे यास तातडीने रुग्णवाहिकेतून उपचारार्थ साईबाबा संस्थानच्या सुपर स्पेशालिटी हॉस्पिटल येथे दाखल केले असून आव्हाळे यांची पाठ व हात बऱ्यापैकी जळल्याची माहिती मिळत असून अतिदक्षता विभागात डॉक्टरांनी तातडीने उपचार सुरू केले आहे.
याबाबत माहिती कळताच साईबाबा संस्थानच्या सुरक्षारक्षक आणि कर्मचाऱ्यांनी साईबाबा हॉस्पिटल कडे धाव घेत आपल्या सहकाऱ्याच्या प्रकृतीची विचारपूस करण्यासाठी मोठी गर्दी केल्याचे दिसून आले
