शिर्डी ( प्रतिनिधी) शिर्डी येथील
श्री साईबाबा संस्थानला टीव्हीएस या प्रसिद्ध कंपनीकडून TVS MAX EV इलेक्‍ट्रीक रिक्षा देणगी नुकतीच देण्यात आली आहे.
शिर्डी येथे श्री साईबाबा संस्थानला विविध प्रकाराने साई भक्तांकडून, विविध कंपन्यांकडून, विविध प्रकारची देणगी वस्तू ,वाहने, देणगी म्हणून दिली जातात.
त्याचप्रमाणे श्री साईबाबा संस्थान विश्‍वस्‍तव्‍यवस्‍थेच्या सेवेत अधिक सुविधा पुरविण्‍याच्या उद्देशाने TVS कंपनीच्या वतीने नुकतीच TVS MAX EV ही ३ चाकी इलेक्‍ट्रीक रिक्षा देणगी स्‍वरुपात प्रदान करण्यात आली आहे. साई संस्थानच्या वतीने या रिक्षा वाहनाची विधीवत पूजा करून टि.व्‍ही.एस. मोटर्सचे CEO के. एन. राधाकृष्णन यांनी श्री साईबाबा संस्थानचे मुख्य कार्यकारी अधिकारी गोरक्ष गाडीलकर यांच्याकडे या नवीन वाहनाची चावी सुपुर्द केली आहे.
यानंतर, साईसंस्थानच्या वतीने मुख्य कार्यकारी अधिकारी गोरक्ष गाडीलकर यांनी श्री के. एन. राधाकृष्णन यांचा शाल व श्री साई मूर्ती देऊन सत्कार केला. या कार्यक्रमाला TVS कंपनीचे सेल्स रिजनल मॅनेजर मनप्रित सिंग छाब्रा, सर्व्हिस रिजनल मॅनेजर सौरव घोराई, एरिआ मॅनेजर आशिष जैसवाल
तसेच संस्थानचे उपमुख्य कार्यकारी अधिकारी भिमराज दराडे, प्रशासकिय अधिकारी संदिपकुमार भोसले, विश्वनाथ बजाज, कार्यकारी अभियंता भिकन दाभाडे व वाहन विभाग प्रमुख अतुल वाघ आदी उपस्थित होते.
विशेष बाब म्हणजे यापूर्वीही TVS कंपनीने श्री साईबाबा संस्थानला ११ दुचाकी आणि २ तीन चाकी वाहने देणगी स्वरूपात प्रदान केली आहे. या देणगी सहकार्याबद्दल TVS कंपनीचे साई संस्थान कडून यावेळी विशेष आभार व्यक्त करण्यात आले.
