साईभक्ताच्या बॅगेमधून वीस हजार रुपयांचा मोबाईल व दहाहजार रुपये रोख रक्कम अनोळखी महिलेने पळवले!
शिर्डी (प्रतिनिधी) शिर्डी येथून एका साईभक्ताच्या बॅगेत असणारे वीस हजार रुपये किमंतीचा मोबाईल व दहा हजार रुपये रोख रक्कम एका अनोळखी महिलेने साई भोजनालयाच्या जेवणाच्या टेबल वरून चोरून नेल्याची फिर्याद शिर्डी पोलीस ठाण्यात दाखल झाली आहे.
या संदर्भात अधिक माहिती अशी की ,अंधेरी मुंबई येथील प्रेमानंद प्रभाकर कांबळे यांनी शिर्डी पोलीस ठाण्यात फिर्याद दिली आहे की, आपण सतरा एप्रिल 2023 रोजी मुंबई येथून रात्री बसून शिर्डीला 18 एप्रिल 23 रोजी सकाळी साई दर्शनाला आलो. श्री साईबाबांचे दर्शन घेऊन दुपारी साडेबारा वाजेच्या दरम्यान साई भोजनालय येथे जेवणासाठी गेलो. तेथे माझ्या शेजारी टेबलावर एक अनोळखी महिला बसलेली होती .मी माझी लाल निळा रंगाची बॅग तिथे ठेवून हात धुण्यास गेलो व परत आलो व नंतर माझी बॅग घेऊन मी माझ्या हॉटेलमध्ये दुसरी बॅग व फ्रेश होण्यासाठी गेलो असता तेथे लाल निळ्या रंगाची ती बॅग उघडली असता त्या बॅगेतील वीस हजार रुपये किमंतीचा मोबाईल व दहाहजार रुपये रोख रक्कम चोरीस केल्याचे दिसले.
मी आजपर्यंत शोध घेतला मात्र ती मिळून आले नाही. त्यामुळे साई भोजनालयात हात धुण्यास गेलो असताना माझ्या बॅगमधून शेजारी बसणाऱ्या अनोळखी महिने माझा वीस हजार रुपये किमंतीचा मोबाईल वर दहा हजार रुपये रोख रक्कम असे तीस हजार रुपये ची चोरी केल्याची फिर्याद प्रेमानंद प्रभाकर कांबळे यांनी शिर्डी पोलीस ठाण्यात दाखल केली आहे. या फिर्यादीनुसार शिर्डी पोलीस ठाण्यात गुन्हा रजिस्ट्रेशन नंबर 981 भादवी कलम 379 प्रमाणे गुन्हा दाखल करण्यात आला आहे. अधिक तपास शिर्डीचे पोलीस करत आहेत.
