शिर्डी (प्रतिनिधी):
श्री साईबाबांसारख्या श्रद्धास्थानावर खोटे, अपमानास्पद आणि द्वेष पसरवणारे विधान करणे आता सहन केले जाणार नाही, हे शिर्डीतून ठणकावून सांगण्यात आले आहे.
यु-ट्युबवरील एका चॅनेलवरून श्री साईबाबांची उघड बदनामी करत दोन समाजांमध्ये तेढ निर्माण करण्याचा प्रयत्न करणाऱ्या स्वामी राघवेंद्रचार्य महाराज (रा. अयोध्या, उत्तर प्रदेश) यांच्याविरोधात शिर्डी पोलीस ठाण्यात थेट गुन्हा दाखल करण्यात आला आहे.
📱 डिजिटल माध्यमातून धर्मावर हल्ला!
‘रामलल्ला देवस्थान, अयोध्या’ या यु-ट्युब चॅनेलवर
“क्या है साईबाबा की सच्चाई” अशा चिथावणीखोर शीर्षकाखाली व्हिडीओ प्रसारित करण्यात आला होता.
या व्हिडीओमध्ये संबंधित स्वामीने कथा सांगण्याच्या नावाखाली श्री साईबाबांविषयी अत्यंत खालच्या पातळीची, असत्य व बदनामीकारक भाषा वापरल्याचा ठपका ठेवण्यात आला आहे.
“भूत की उपासना करोगे तो भूत बनोगे…”
असे वक्तव्य करत थेट शिर्डीच्या साईबाबांवर निशाणा साधण्यात आला, जो प्रकार साईभक्तांच्या भावना दुखावणारा असून सामाजिक सलोख्यास घातक असल्याचे फिर्यादीत नमूद आहे.
⚠️ लाखो साईभक्तांच्या श्रद्धेवर थेट घाव
या बेताल वक्तव्यामुळे केवळ शिर्डी नव्हे, तर देश-विदेशातील कोट्यवधी साईभक्तांमध्ये तीव्र संतापाची लाट उसळली आहे.
धर्माच्या नावाखाली द्वेष पसरवून समाजात दंगलसदृश वातावरण निर्माण करण्याचा हा जाणीवपूर्वक कट असल्याचा आरोप करण्यात आला आहे.
🚓 शिर्डी पोलीस ॲक्शन मोडमध्ये
साईबाबा संस्थान विश्वस्त व्यवस्थेचे सदस्य रोहिदास अशोक माळी यांनी दिलेल्या तक्रारीनुसार शिर्डी पोलिसांनी संबंधित स्वामीविरोधात कायद्याच्या कडक कलमान्वये गुन्हा दाखल केला असून, पुढील तपास वेगाने सुरू आहे.
🛑 थेट इशारा – आता गप्प बसणार नाही!
“साईबाबांची बदनामी करणारा कोणीही असो – बाबा त्याला माफ करणार नाहीत, आणि कायदाही नाही!”
असा स्पष्ट आणि जहरी इशारा शिर्डीतून देण्यात आला आहे.
🚨 सावधान!
📌 यु-ट्युब, फेसबुक, इंस्टाग्रामसह कोणत्याही माध्यमातून
📌 श्री साईबाबांविषयी खोटी, अपमानास्पद किंवा समाजात तेढ निर्माण करणारी भाषा
📌 वापरल्यास थेट गुन्हा दाखल होईल, हे लक्षात ठेवा!
