शिर्डी ( प्रतिनिधी)
खुलताबाद येथील हनुमान जन्मोत्सव निमित्त लाखो भाविकांचे श्रद्धास्थान असलेले श्री भद्रा मारुती संस्थांनच्या अखंड हरिनाम सप्ताहास शनिवार 5 एप्रिल 2025 रोजी सकाळी सुरुवात झाली. येथील कार्यक्रमास भव्य दिव्य मंडपाची व्यवस्था तसेच सर्व येणाऱ्या भाविकांची गैरसोय होणार नाही असे नियोजन संस्थानच्या वतीने करण्यात आलेले आहे.
येथील परिसरामध्ये भजन कीर्तनाने तसेच पारायणाने तयार झालेले मंत्रमुग्ध वातावरण आणि परिसरामध्ये केलेली इतर सोय जसे की लायटिंग, बसण्यासाठी सावलीची व्यवस्था आणि येणाऱ्या भाविकांना दर्शन व प्रसादाची व्यवस्था केलेली आहे. ज्ञानेश्वरी पारायण पूजन श्री भद्रा मारुती संस्थांनचे अध्यक्ष मिठ्ठू पाटील बारगळ, उपाध्यक्ष रामनाथ पाटील बारगळ, माजी सचिव कचरू पाटील बारगळ, सहसचिव खंडेराव पाटील बारगळ यांच्या हस्ते पूजन करण्यात आले
व्यासपीठ वाचक हभप संजय जगताप महाराज आणि काका महाराज पळसवाडीकर या दोघांच्या मार्गदर्शनामध्ये पारायणाचे वाचन करण्यात येत आहे. यावेळी जनसंपर्क अधिकारी राजेंद्र जोंधळे, सूर्यकांत दौड, रमेश करपे ज्ञानेश्वर बोडखे, राजेंद्र सोनवणे, ज्ञानेश्वर बारगळ लक्ष्मण वरकड कारभारी शिंदे व इतर सर्व कर्मचारी परिश्रम घेत आहे.
