शिर्डी (प्रतिनिधी) श्रीक्षेत्र शनिशिंगणापूर येथील देवस्थान मध्ये कामावर असणाऱ्या त्या इतर धर्मीय कर्मचाऱ्यांना ट्रस्टने काढले जर शनिशिंगणापूर ट्रस्ट हा निर्णय घेते तर शिर्डी संस्थान संस्थान परिसरात असणारे हाजी अब्दुल बाबा समाधीच्या देणगी व देखरेख स्वतःकडे घेण्यावर का निर्णय घेत नाही ?
असा सवाल आता सकल हिंदू समाजाच्या वतीने करण्यात येत आहे. विशेष म्हणजे अहिल्यानगरचे आमदार संग्राम जगताप यांनीही यात विशेष लक्ष घातले असून शनिशिंगणापूर एक झांकी है, लेकिन शिर्डी अभी बाकी है ,असे म्हटले आहे. त्यामुळे आता शिर्डीतील हे प्रकरणही मोठे गाजत असून साई संस्थानने त्वरित निर्णय घेऊन संस्थान परिसरात असणाऱ्या हाजी अब्दुल बाबा समाधी येथील देणगी तसेच देखरेख साई संस्थान प्रशासनाने स्वतःकडे घ्यावी
अशी मागणी साईभक्त व तसेच हिंदू समाजाच्या वतीने जोर धरू लागली आहे. यासंदर्भात अधिक माहिती अशी की, शनिशिंगणापूर येथे देवस्थान मध्ये असणाऱ्या इतर धर्मियांच्या कर्मचाऱ्यांना कामावरून काढून टाकले जाते. आमदार संग्राम जगताप यांनी केलेल्या या मागणीला यश मिळते.
आमदार संग्राम जगताप म्हणतात की, जर इतर धर्मियांच्या ठिकाणी हिंदूंचे दुकाने नाही की कर्मचारी नसतात. मग हिंदूंच्या धार्मिक ठिकाणी इतरांना संधी का? असा सवाल करत शनिशिंगणापूर येथील त्या इतर धर्मीय कर्मचाऱ्यांना कामावरून काढले. हे सर्वांचे यश आहे.असे सांगत आमदार संग्राम जगताप यांनी शनिशिंगणापूर एक झाकी है, शिर्डी अभी बाकी है असे यावेळी जाहीर केले.
शिर्डीच्या हाजी अब्दुल बाबा समाधीच्या ठिकाणी येणाऱ्या देणगी पैशावर डल्ला मारणाऱ्यांवरही त्यांनी यावेळी निशाणा साधला आहे. आमदार संग्राम जगताप यांनी यावेळी जाहीर कार्यक्रमात सांगितले की, शिर्डीत साई संस्थांन परिसरात साई समाधी मंदिर तसेच सर्व इतर मंदिरे येथील दानपत्रातील भक्तांनी टाकलेली देणगी साईसंस्थांनला जमा होते.
मात्र संस्थान परिसरातच असणाऱ्या हाजी अब्दुल बाबाच्या समाधीच्या ठिकाणी भक्तांनी दिलेली देणगी ही साईसंस्थानात जमा न होता ती हाजी अब्दुल बाबांचे वंशज समजणारे लोक स्वतः घरी घेऊन जातात. येथे ते आळीपाळीने जणू ड्युटी केल्यासारखे राहतात. व येथील भक्तांनी टाकलेल्या देणगीवर डल्ला मारतात. हे कुठेतरी बंद झाले पाहिजे. यावरही आपण आवाज उठवणार असल्याचे यावेळी आमदार संग्राम जगताप यांनी सांगितले.
यावर सर्व उपस्थितांनी येथे छत्रपती शिवाजी महाराज की ,जय श्रीराम, जय हनुमान असा जोरदार जय जयकार करत आमदार संग्राम जगताप यांना साथ दिली. आता या प्रकरणाकडे साई संस्थानने ही विशेष लक्ष घालून संस्थान परिसरात असणाऱ्या हाजी अब्दुल बाबा समाधी येथील देणगी व देखरेख साईसंस्थानने स्वतः कडे घ्यावी. अशी मागणी आता जोर धरू लागली आहे.
