शिर्डी ( प्रतिनिधी) राहाता तालुक्यातील बाभळेश्वर येथे गांजा बाळगणाऱ्या एका मध्य प्रदेशातील ईसमाला लोणी पोलिसांनी पकडले असून त्याला ताब्यात घेण्यात आले आहे.
त्या संदर्भात पोलीस सूत्रांकडून मिळालेली अधिक माहिती अशी की,
लोणी पोलीस स्टेशनचे अधिकारी सहाय्यक पोलीस निरीक्षक कैलास वाघ व पोलीस पथक 26 डिसेंबर 20 24 रोजी पावणे दोन वाजेच्या सुमारास बाभळेश्वर येथे सरकारी वाहनामध्ये पेट्रोलिंग करीत असताना बाभळेश्वर येथे सोहेल ऑटो हायटेक सर्विसेस या दुकानासमोर एक इसम आपल्या पाठीवर काळे व आकाशी रंगाची सेक बॅग घेऊन वावरत असताना त्याचा पोलिसांना संशय आल्याने त्याची अधिक चौकशी केली असता त्याच्या या बॅगमध्ये पाच किलो वजनाचा सुमारे 40 हजार रुपये किंमतीचा गांजा आढळून आला आहे.
या ईसमाचे नाव साबीर रमजान शेख राहणार हानपूर, मध्य प्रदेश असे असून त्याची चौकशी केली असता सुरुवातीला त्यांने उडवडीची उत्तरे दिले .मात्र नंतर त्याची अधिक चौकशी केली असता त्याच्या पिशवीत पाच किलो गांजा आढळून आला आहे हा गांजा पोलिसांनी जप्त करून या आरोपी साबीर रमजान शेख याला ताब्यात घेतले असून अटक केली आहे. त्यास मान.प्रथम वर्ग न्यायदंडाधिकारी राहता यांच्या न्यायालयात हजर केले असता
त्याला पोलीस कस्टडी रिमांड घेण्यात आली आहे. जिल्हा पोलीस अधीक्षक राकेश ओला ,अतिरिक्त पोलीस अधीक्षक वैभव कुलबर्म तसेच उपविभागीय पोलीस अधिकारी शिरीष वमने, रंजीत गलांडे, यांच्या मार्गदर्शनाखाली लोणीचे सहाय्यक पोलीस निरीक्षक कैलास वाघ, पोलीस उपनिरीक्षक आशिष चौधरी, पोलीस हेडकॉन्स्टेबल असीर सय्यद, साईनाथ राशिनकर, सचिन शेवाळे, ,पो का. निलेश सातपुते,काळे आदींसह लोणी पोलीस तपास करीत आहेत.
