शिर्डी | प्रतिनिधी
साई नगरी शिर्डीत पुन्हा एकदा अतिक्रमणाचा मुद्दा चांगलाच पेटला असून, मनमाड रोड परिसरात विशेषतः साई आश्रमसमोर टपऱ्यांचा अक्षरशः सुळसुळाट झाला आहे. फुटपाथ पूर्णपणे गायब झाल्याने साई भक्तांना थेट रस्त्यावरून चालावे लागत असून, जीव मुठीत धरून प्रवास करण्याची वेळ आली आहे.
🚨 फुटपाथवर टपऱ्यांचा कब्जा – भक्तांना रस्त्यावर ढकलले!
साई आश्रमसमोरील फुटपाथवर बचत गटांच्या नावाखाली उभारण्यात आलेल्या टपऱ्यांनी संपूर्ण मार्ग अडवला आहे. टपऱ्यांसमोर टेबल-खुर्च्यांचा पसारा मांडल्यामुळे पादचाऱ्यांसाठी एक इंचही जागा उरलेली नाही. परिणामी, हजारो साई भक्तांना थेट वाहनांच्या गर्दीतून चालावे लागत आहे.
⚠️ वाहतूक कोंडीचा भडका – अपघाताचा धोका वाढला
फुटपाथ बंद झाल्यामुळे पादचारी आणि वाहनचालक एकाच रस्त्यावर आल्याने दररोज मोठी कोंडी निर्माण होत आहे. सण-उत्सव आणि सुट्टीच्या दिवशी ही परिस्थिती अधिकच भीषण बनते. अपघाताचा धोका दिवसेंदिवस वाढत असताना प्रशासन मात्र शांत बसल्याचा आरोप नागरिक करत आहेत.
❓ परवानगी की फसवणूक? टपऱ्यांमागचं रहस्य गडद
या टपऱ्या अधिकृत आहेत की अनधिकृत, याबाबत कोणतीही स्पष्ट माहिती उपलब्ध नाही. कोणताही परवाना फलक दिसत नाही. बचत गटांच्या नावाखाली परवानगी घेतल्याचा दावा केला जात असला, तरी प्रत्यक्षात टपऱ्या इतरांना भाड्याने दिल्याची धक्कादायक माहिती समोर येत आहे.
😡 संतप्त नागरिकांचा इशारा – “नगर परिषद झोपली आहे का?”
स्थानिक नागरिक आणि साई भक्त संतप्त झाले असून, “हे उघड अतिक्रमण आहे”, “भक्तांची गैरसोय थांबवा”, “तात्काळ कारवाई करा” अशा तीव्र प्रतिक्रिया उमटत आहेत.
महाराष्ट्र नवनिर्माण सेनेनेही प्रशासनाला थेट इशारा दिला असून, तातडीने टपऱ्या हटवून फुटपाथ मोकळे न केल्यास तीव्र आंदोलन छेडले जाईल, असा इशारा देण्यात आला आहे.
प्रशांत वाघचौरे (शहराध्यक्ष, महाराष्ट्र नवनिर्माण विद्यार्थी सेना – शिर्डी)
लक्ष्मण कोतकर (शहराध्यक्ष, मनसे शिर्डी)
रवी कुसळकर | अभिषेक पोपळघट | गौरव भालेराव | ऋषी धीवर
👉 प्रशासन आता जागं होणार का, की एखादा मोठा अपघात झाल्यावरच कारवाई होणार?
