शिर्डी ( प्रतिनिधी)
शिर्डी पोलीस उपविभागातील कोपरगाव शहर, कोपरगाव तालुका, शिर्डी, राहाता व लोणी पोलीस स्टेशन हद्दीत दरवर्षी चारचाकी व दुचाकी वाहनांच्या चोरीच्या घटना घडत असतात. त्यामध्ये दिवसें दिवस दुचाकी चोरीच्या घटनांमध्ये वाढ होत असल्याने मोटर सायकल चोरीचे गुन्हयांना आळा घालणे करीता शिर्डी उप विभागातील वरील सर्व पोलीस स्टेशन हद्दीत वारंवार मोटर सायकल चोरीचे गुन्हे घडणारे ठिकाणे निश्चीत करुन सदर ठिकाणी सी.सी. टी. व्ही. कॅमेरे बसविण्यात आलेले असुन
मोटर सायकल चोरीचे गुन्हयांना प्रतिबंध होणे करिता सक्त पेट्रोलिंग व अचानक पणे सातत्याने नाकाबंदी आयोजन करुन विना नंबरचे मोटर सायकल चालकांवर कारवाई करण्यात येऊन मोटर सायकल चोरीचे घटनांना प्रतिबंध करण्यात येत आहे. तसेच मोटर सायकल चोरीचे उघडकीस आलेल्या गुन्हयातील आरोपी यांचेकडेस सखोल व बारकाईने तपास करुन त्यांचेकडुन अशा प्रकारचे गुन्हे करणारे इतर आरोपींबाबत माहीती घेऊन त्यांचेकडुन देखील मोटर सायकल हस्तगत करण्यात आलेल्या आहेत.
सन 2023 मध्ये मोटरसायकल चोरी गुन्हे संख्या 349 असून
सन 2024 मो.सा. चोरी गुन्हे संख्या 241 झाली आहे.
सन 2023 आक्टोंबर ते डिसेंबर मो.सा. चोरी गुन्हे संख्या 94 होती. तर सन 2024 आक्टोंबर ते डिसेंबर मो.सा. चोरी गुन्हे संख्या 40 झाली.
मोटर सायकल चोरीचे गुन्हयांना प्रतिबंध होणे करिता शिर्डी उपविभागातील पोलीस स्टेशनला विना नंबर प्लेट चे 240 वाहनांवर कारवाई करुन 129500 रुपये दंड करण्यात आलेला आहे.
सदरची कारवाई अहिल्या नगर जिल्ह्याचे अप्पर पोलीस अधीक्षक वैभव कलुबर्मे यांचे मार्गदर्शनाखाली उपविभागीय पोलीस अधिकारी शिरीष वमने, (शिर्डी उप विभाग) यांनी शिर्डी उपविभागातील पोलीस स्टेशन प्रभारी अधिकारी यांचेकडुन करून घेतली आहे.
