शिर्डी | प्रतिनिधी :
शिर्डी येथे आलेल्या राज्य उत्पादन शुल्क विभागाच्या अधिकाऱ्यांनी स्वर्गीय समकालीन साईभक्त लक्ष्मीबाई शिंदे यांच्या वाड्यात जाऊन मनोभावे दर्शन घेतले. साईबाबांच्या हयातीत त्यांच्याशी असलेल्या अतूट श्रद्धा आणि भक्तीच्या नात्यामुळे लक्ष्मीबाई शिंदे यांचे साईभक्त परंपरेत विशेष स्थान आहे.
लक्ष्मीबाई शिंदे यांच्या पवित्र वास्तूला भेट देत अधिकाऱ्यांनी साईबाबांच्या काळातील भक्तीपरंपरेचा अनुभव घेतला. या वेळी दत्तू भाऊ शिंदे पाटील यांच्या हस्ते राज्य उत्पादन शुल्क विभागाच्या अधिकाऱ्यांचा सत्कार करण्यात आला.
यावेळी लक्ष्मीबाई शिंदे यांच्या साईभक्तीच्या आठवणींना उजाळा देण्यात आला. त्यांच्या वाड्यातील या भेटीमुळे शिर्डीच्या समृद्ध आध्यात्मिक आणि ऐतिहासिक वारशाचे दर्शन अधिकाऱ्यांना घडले.
या प्रसंगी साईभक्ती, श्रद्धा आणि शिर्डीच्या ऐतिहासिक भक्तिपरंपरेचा सुंदर संगम पाहायला मिळाला. उपस्थितांनीही या भावपूर्ण प्रसंगाचा अनुभव घेतला.
