शिर्डी : शिर्डी शहरातील कट्टर शिवसैनिक तसेच शिवसेना शिर्डी शहराचे उपशहरप्रमुख मा. नानक सावंत्र यांची अहिल्यानगर जिल्हा मुष्टीयुद्ध (बॉक्सिंग) संघटनेच्या उपाध्यक्षपदी नियुक्ती करण्यात आली आहे. त्यांच्या या निवडीमुळे शिर्डी शहरासह क्रीडा व राजकीय क्षेत्रात आनंदाचे वातावरण निर्माण झाले आहे.
अखिल महाराष्ट्र बॉक्सिंग असोसिएशनचे अध्यक्ष डॉ. मदन कोठुळे व सरचिटणीस मनोहर ताथवडकर यांच्या हस्ते नानक सावंत्र यांना नियुक्तीपत्र प्रदान करण्यात आले. या नियुक्तीद्वारे जिल्ह्यातील मुष्टीयुद्ध खेळाच्या विकासासाठी तसेच नवोदित खेळाडूंना प्रोत्साहन देण्यासाठी त्यांच्यावर महत्त्वाची जबाबदारी सोपविण्यात आली आहे.
नानक सावंत्र हे सामाजिक, राजकीय व क्रीडा क्षेत्रात सक्रिय कार्यकर्ते म्हणून ओळखले जातात. शिवसेनेचे निष्ठावंत पदाधिकारी म्हणून त्यांनी अनेक जनहिताच्या प्रश्नांवर सातत्याने आवाज उठवला असून, आता क्रीडा क्षेत्रातही त्यांना मोठी जबाबदारी मिळाल्याने सर्व स्तरांतून त्यांचे अभिनंदन होत आहे.
त्यांच्या या नियुक्तीबद्दल शिवसेना पदाधिकारी, कार्यकर्ते, मित्रपरिवार, क्रीडाप्रेमी आणि शिर्डीतील नागरिकांनी त्यांच्यावर शुभेच्छांचा वर्षाव केला असून, त्यांच्या पुढील वाटचालीसाठी शुभेच्छा व्यक्त केल्या आहेत.
💐 दैनिक साई दर्शन परिवार, शिर्डी यांच्या वतीने मा. नानक सावंत्र यांचे मनःपूर्वक हार्दिक अभिनंदन व भावी कार्यासाठी शुभेच्छा!
