शिर्डी( प्रतिनिधी) राहाता तालुक्यातील रुई येथील अहिरे यांचे किराणा दुकान फोडून सुमारे 34 हजार रुपये किंमतीचा किराणा माल व रोख रक्कम अज्ञात चोरट्यांनी चोरून नेल्याची फिर्याद्र पोलीस ठाण्यात दाखल झाली आहे. या संदर्भात येथील मोहनीश मधुकर अहिरे यांनी शिर्डी पोलीस ठाण्यात फिर्याद दिली आहे की, रुई येथे माझे मालकीचे आहीरे जनरल किराणा दुकान मी स्वत चालवतो व त्यावर माझा प्रपंच चालवतो.
माझे घरापासून काही अंतरावरच माझे किराणा दुकान आहे.दिनांक-12/03/2025 रोजी रात्री 08.30 वा. चे सुमारास मी नेहमी प्रमाणे माझे दुकान बंद करुन दुकानाचे शटर आत मधून बंद करून दुकानाच्या मागील दरवाजाला कुलूप लावून घरी गेलो होतो. दि. 13/03/2025 रोजी सकाळी 07/.00 वा. चे सुमारास मी नेहमी प्रमाणे माझे किराणा दुकान उघण्यास गेलो असता माझ्या दुकानाचे मागील बाजुस असलेल्या दरवाजाचा कडी कोंडा तुटलेला मला दिसला
त्यामुळे मी व माझ्या बरोबर आलेली माझी आई मनिषा असे आम्ही दुकानात जावून पाहणी केली असता आमच्या दुकानाचे तीन साखरेचे कटटे, तांदळाचे कट्टा, शेंगदाणे चा कट्टा, सुटटे गोडतेल कॅन किरकोळ किराणा सामान व गल्ल्यातील रोख रक्कम ही मला दिसली नाही त्यामुळे माझी खात्री झाली की कुणीतरी अज्ञात चोरटयाने माझ्या दुकानाचे मागील बाजुचे दरवाजाचा कडीकोंडा तोडून दुकानात प्रवेश करून चोरी केली आहे.
1) 6,000/- रु कि तीन साखरेचे कटटे ,2) 5100/- रु किं चे तांदुळ 30 किलो ,3) 2500/- रु किं चा एक शेंगदाणा कटटा 25 किलो 4) 5300/- रु किं चे एक गोडतेल कॅन 35 किलो ,5) 5000/- रु कि चे किरकोळ किराणा सामान व 6) 10000/-रु.रोख रक्कम त्यात वेगवेगळ्या दराच्या नोटा व चिल्लर असी 33,900/- रुपये किमंतीची चोरी झाली आहे. अशा आशयाची फिर्याद मोहिनिश मधुकर अहिरे यांनी शिर्डी पोलीस ठाण्यात फिर्याद दिली असून त्यानुसार गुन्हा दाखल करण्यात आला आहे. अधिक तपास शिर्डी पोलीस करत आहेत.
