अहिल्यानगर जिल्ह्यात अवैध गुटखा विक्रीचे जाळे मोडून काढण्यासाठी जिल्हा पोलीस अधीक्षक मा. श्री. सोमनाथ घार्गे यांनी स्थानिक गुन्हे शाखेला दिलेल्या निर्देशानुसार दोन ठिकाणी एकाच दिवशी दमदार छापेमारी करून एकूण 2,43,716/- रुपये किमतीचा मुद्देमाल ताब्यात घेण्यात आला आहे. यामध्ये 2 लाखांचा स्विफ्ट कार, विविध गुटखा पाऊचेस, तसेच विक्रीसाठी वापरलेले साहित्य जप्त करण्यात आले.
🔥 कारवाईची सविस्तर हकीगत
गुटखामुक्त जिल्हा मोहिमेला चालना देत, LCB चे पोलीस निरीक्षक श्री किरणकुमार कबाडी यांच्या मार्गदर्शनाखाली पथक तयार करण्यात आले.
या पथकात पोलीस अंमलदार राहुल द्वारके, भिमराज खर्से, राहुल डोके, बाळासाहेब गुंजाळ, सुनिल मालणकर, सतिष भवर, प्रमोद जाधव, प्रशांत राठोड यांचा समावेश होता.
गुप्त माहितीच्या आधारे 10 डिसेंबर रोजी कोपरगाव शहर पोलिस स्टेशन हद्दीत सलग दोन ठिकाणी छापे टाकण्यात आले आणि खालीलप्रमाणे कारवाई करण्यात आली:
📍 प्रकरण क्रमांक 1 — गु.र.नं. 584/2025
कलम : भारतीय न्याय संहिता 123, 223, 274, 275 तसेच 3(5)
आरोपी:
- प्रमोद सजन बोथरा, वय 29, रा. शरदानगर, कोपरगाव
- मुस्ताक अब्बास सय्यद, रा. येवला – (फरार)
जप्त मुद्देमाल:
₹ 2,00,000/- किमतीची स्विफ्ट कार
₹ 28,080/- किमतीचा गुटखा
एकूण: ₹ 2,28,080/-
📍 प्रकरण क्रमांक 2 — गु.र.नं. 583/2025
कलम : भारतीय न्याय संहिता 123, 223, 274, 275 तसेच 3(5)
आरोपी:
- योगेश विजय कटाळे, वय 39, रा. खडकी, कोपरगाव
- नामदेव संजय पगारे, वय 19, रा. सुभाषनगर, कोपरगाव
जप्त मुद्देमाल:
₹ 15,636/- किमतीचा गुटखा
👉 एकूण जप्ती : 2 छापे – 4 आरोपी – 2,43,716/- रुपये मुद्देमाल
ही कारवाई पूर्णपणे मा. श्री. सोमनाथ घार्गे, पोलीस अधीक्षक, अहिल्यानगर यांच्या मार्गदर्शनाखाली करण्यात आली आहे. जिल्ह्यातील अवैध गुटखा व्यापारावर पोलिसांचा गुटखा तस्करी करणार्‍यांना हा आणखी एक मोठा धडक बसला आहे.
