शिर्डी प्रतिनिधी/ शिर्डी येथील साईबाबा हॉस्पिटल येथे महिला सुरक्षा रक्षक कर्मचारी श्रीमती रेखा रावसाहेब कोकाटे ह्या १० जुन रोजी ड्युटीवर असताना हॉस्पिटल नियमाप्रमाणे दुपारी १ ते ४ वाजे पावेतो रुग्णांचे नातेवाईक यांना भेटण्यास हॉस्पिटलच्या नियमाप्रमाणे प्रतिबंध आहे.
दुपारी २ वाजेच्या सुमारास रुग्णाचे नातेवाईक १). अक्षय प्रकाश पवार २. मनीषा प्रकाश पवार दोन्ही रा. करडोबानगर, शिर्डी हे आले व आम्हाला भेटायचे आहे, आत जाऊद्या असे सांगितले त्यावेळी महिला सुरक्षा रक्षक रेखा कोकाटे यांनी त्यांना आत जाण्यासाठी यावेळेत प्रतिबंध आहे असे समजून सांगितले
परंतु अनेकदा समजावून सांगितल्यावर देखील या दोघांनी वाद घालुन महिला सुरक्षा रक्षक यांना मारहाण करून जीवे मारायची धमकी दिली शिर्डी पोलीस स्टेशन येथे महिला सुरक्षा रक्षक रेखा कोकाटे यांनी नमूद दोघांच्या विरोधात कायदेशीर दिलेल्या फिर्यादीवरून भादंवि क. ३२३,,५०४,५०६ अन्वये गुन्हा दाखल करण्यात आला आहे. या घटनेने मोठी खळबळ उडाली असून या घटनेचा अधिक तपास शिर्डी पोलीस करीत आहे
