🌹 साईबाबांचा दूत सुधीर दळवींसाठी श्री साईबाबा संस्थानचा मदतीचा हात! पाच लाखाचा प्रस्ताव सादर 🌹

शिर्डी प्रतिनिधी

sai nirman

जाहिरात

साईभक्तांच्या हृदयात साईबाबांचे दर्शन घडवणारे ज्येष्ठ अभिनेते सुधीर दळवी — ज्यांनी 1977 साली प्रदर्शित झालेल्या ‘शिर्डी के साईबाबा’ या चित्रपटात साईबाबांची भूमिका साकारून अवघ्या जगाला भक्तीच्या मार्गावर नेलं — सध्या प्रकृतीच्या अडचणीत आहेत.

या पार्श्वभूमीवर श्री साईबाबा संस्थान विश्वस्त मंडळ, शिर्डी यांनी त्यांच्या उपचारासाठी मदतीचा हात पुढे केला आहे. संस्थानतर्फे ५ लाख रुपये आर्थिक सहाय्य देण्याचा प्रस्ताव तयार करण्यात आला आहे, *अशी माहिती संस्थानचे कार्यकारी अधिकारी श्री. गाडिलकर यांनी दिली. त्यांनी सांगितले की, “साईबाबांच्या नावाने जगभर ओळख निर्माण करणाऱ्या या थोर कलाकारासाठी संस्थान सदैव तत्पर राहील.”

गेल्या काही दिवसांपासून सुधीर दळवी यांच्या प्रकृतीविषयी चिंतेचे वातावरण होते. त्यांच्या उपचारासाठी साईभक्त, चित्रपटसृष्टीतील सहकारी आणि शिर्डीतील ग्रामस्थ पुढाकार घेत आहेत.

संस्थानकडून आलेल्या या मदतीच्या निर्णयाचं सर्वत्र स्वागत होत आहे. साईबाबांची भूमिका आयुष्यभर जपणाऱ्या या कलाकारासाठी साईबाबांच्या संस्थानकडून झालेली ही मदत म्हणजे “साईकृपेची खरी परंपरा” असल्याचं भक्तगण सांगत आहेत.

🙏 ओम साई राम! 🙏

जाहिरात